CHAPITRE X

Comment le conte Waleran de Saint-Pol envoi* lettre* de défiance au roy Henry d'Angleterre , et la teneur d'kellea.

Item, en cest an pareillement Waleran , conte de Saint-Pol, envoia Iectres de défiance au roy d* Angleterre ; desquelles la teneur s'ensuit :

« Très hault et puissant prince, Henry de Lenclastre, moy, Waleran de Luxembourg, conte de Haynnau et de Saint-Pol , considérant l'affinité , amour et considération que j'avoye pardevers très puissant et très hault prince, Richard , roy d'Angleterre, duquel ay eu la seur à espeuse , et la destruction dudit roy dont notoirement estes encoulpé et très grandement diffamé ; avec ce, la grant honte et dommage que moy et ma généracion de lui descendant, povons ou pourrons avoir ou temps avenir, et aussi l'indignation de Dieu tout-puissant et de toutes raisonnables et hon» norables personnes, se je ne me expose avecques toute ma puissance à venger la destruction dudit roy, auquel je estoye alyé; pour tant, par ces présentes vous fais savoir qu'en toutes manières que je pourray, vous gréveray, et tous dommages tant par moy comme par mes parens, mes hommes et mes subgetz , je vous feray, soit en terre ou en mer, tnutesfois , hors du royaume de France, pour la cause devant dicte, non pas aucunement pour les faiz meuz et à mouvoir entre

mon très redoubté prince et souverain seigneur le roy de France et le royaume d'Angleterre. Et ce je vous certifie par l'impression de mon seel. Donné en mon chastel de Luxembourg, le x e jour de février, Fan mil quatre cens et deux. »

Lesquelles lettres furent envoiées audit roy par ung hérault d'icellui conte Waleran.

A quoy fut respondu par ledit roy Henry que de ce ne faisoit compte, et qu'il avoit bien entencion que le dessusdit conte Waleran auroit assez à faire à garder contre lui sa personne , ses subgetz et ses pays.

Après ceste défiance , ledit conte se disposa et prépara en toutes manières à faire guerre au dessusdit roy d'Angleterre et aux siens. Et qui plus est fist, en ce mesme temps, faire en son chastel de Bohain , la figure et représentacion du conte de Rostelant armoié de ses armes , et ung gibet assez portatif , lequel il fist mener et conduire secrètement en aucune de ses fortresses ou pays de Boulenois. Et tost après furent icellui gibet et représentacion conduis par Robinet de Rebretenges, Aleaume de Viritum 1 ? et autres expers gens de guerre jusques assez près des portes de Calais, et là fut le dessusdit gibet drécié, et le dessusdit conte de Rostelant pendu les piez dessus. Et quant ce vint au matin que les Anglois de Calais ouvrirent leurs portes, ilz furent tous esmerveillez de voir ceste aventure. Si le despendirent sans délay, et l'emportèrent dedens leur ville. Et depuis ce temps furent par longue

1. Édouard Plantagenest , comte de Rutland, connétable et amiral d'Angleterre, dis d'Edmond de Langley, duc d'York. t. Aliaume de Biurtin (édit. de 1572;.

[HOÎ] D'ENGUERRÀN DE MONSTRELET. ÔU

espace plus enclins à faire dommage et desplaisir au conte Waleran et à ses pays et subgets , plus que parafant n'avoient esté.