CHAPITRE XXIII

Comment le duc Guillaume , conte de Haynnau, tint en cel an un champ

mortel en la ville du Quesnoy.

Or est vérité qu'en cel an fut fait en la ville du Quesnoy en Haynnau un champ mortel en la présence du duc Guillaume, conte de Haynnau 1 , juge en ceste partie. C'estassavoir d'un gentilhomme nommé Bornete , appellant , lequel estoit du pays de Haynnau , à rencontre d'un autre gentilhomme nommé Sohier fiarnage , de la conté de Flandres. Et estoit la querelle telle , que ledit Baraage disoit et maintenoit que icellui Sohier avoit tué et murdry un sien prouchain parent. Pour lequel cas , icellui duc Guillaume livra lices et place à ses despens selon la coustume à ce introduicte. Et après que par icellui duc ils eurent par plusieurs fois esté induis et admonestez à faire paix l'un à l'autre , et lui voiant que à ce ne se vouloient consentir, leur fut ordonné à venir à certain jour et comparoir par devant le dessusdit duc, auquel jour ils vindrent, et premièrement ledit appellant entra dedans les lices, acompaigné d'aucuns de ses amis prouchains ; et après , y entra le défendeur. Si fut lors crié de par le duc par ung hérault, et défendu que nul ne leur baillast empeschement sur peine de perdre la teste, et lors, fut de rechef crié que les deux

1 . Guillaume , comte de Hainaut et de Hollande , fils aîné du comte d'Albert dont la mort a été rapportée plus haut , et de Marguerite de Silésie.

iOO CHRONIQUE

champions feisseht leur devoir. Après lequel cry, se party premièrement ledit appellant de son paveillon , et commença à marcher avant , et d'autrepart, vint le défenseur à rencontre de lui. Et après qu'ilz eurent jectées chascun leurs lances Pun contre l'autre , sans ce que d'icelles eussent receu aucun empeschement , vindrent aux espées et se combatirent une petite espace. Mais en conclusion , le dessusdit Bornete , appellant, vainqui assez briefment son adversaire et lui fist confesser de sa bouche le cas pour lequel il l'avoit appelle. Et après , icellui vaincu fut jugié par le duc Guillaume à estre décapité. Lequel jugement, sans délay, fut acomply. Et le vainqueur fut honnorablement ramené à son hostel, et avec ce, de tous les seigneurs généralement fut il honoré et conjoy. Si fut aucun bruit que le duc d'Orléans avoit esté à celle besongne en habit descongneu