CHAPITRE XXV

Comment le duc Jehan de Bourgongne ala à Paris et fist retourner la Royne et le Daulphin que le duc d'Orléans emmenoit.

En après, quant ledit duc de Bourgongne eut conclud dedens Arras sur ses afaires, il se parti, à tout plusieurs hommes d'armes , jusques à huit cens combatans ou plus, armez couvertement, la vigile de l'Assumpcion Nostre-Dame 1 , pour aler à Paris. Et cela, par aucuns jours , jusques en la ville de Louvres en Parisis. Auquel lieu lui furent envoiées unes lectres de Paris , contenant que le Roy estoit de sa maladie retourné en santé, et aussi que la Royne et le duc d'Orléans estoient partis de Paris pour aler à Meleun , et de là à Chartres, et qu'ilz avoient ordonné d'emmener avecques eulx le duc de Guienne, daulphin de

1 . Ces obstacles mis par le duc d'Orléans aux desseins du duc de Bourgogne sur Calais, accrurent la haine de ce dernier. Voy Y Histoire de Bourgogne de dom Plancher.