CHAPITRE XXVII

Comment la guerre se meut de rechef entre les ducs de Bar et de Lorraine, et des mariages faiz à Compiengne, et des aliances entre les ducs d'Orléans et de Bourgongne.

En cest an se esmeut de rechef guerre et dissencion entre le duc de Bar, d'une part, et le duc de Lorraine, d'autre. Si fut la cause pour ce que ledit duc de Lorraine, à tout grant gent de guerre de ses pays et aliez, ala asséger très puissamment ung cl i as tel qui estoit audit duc de Bar et séoit en partie ou royaume de France, et pour ce, par avant, par le marquis de Pont , filz audit duc de Bar, avoit esté mis en la n>ain du Roy, non obstant laquelle mise fut prins du duc de Lorraine. Et pour ce que ce fut fait à la desplaisance du Roy, fut tantost mise sus une très grosse armée ès parties de France, laquelle conduisoit de par le Roy, messire Clugnet de Brabant, admirai, pour mener oudit pays de Lorraine contre ledit duc. Mais en fin aucun traictié se trouva entre icelles parties, par quoy la dessusdicte armée se desrompi et fut mise à néant*.

Et lors, en ces propres jours*, vint la royne de