L'édition de i 57Î ajoute : « Laquelle estoit nommée Au

r.« CHRONIQUE [140K]

nopces on fist dedcns la ville d'Arras très grant teste et solennité. Et aucuns jours ensuivans, le duc de Lembourg et les deux nouveau]* mariez dessusdiz, après qu'ilz eurent en grant liesse prins congié à iceilui duc de Bourgongne et à la duchesse sa femme , se départirent de là et s'en retournèrent chascun en son pays. Et assez tost après, le duc Guillaume, conte de Haynau , ala à Paris, très honnorablement accompaigné de ses Hennuyers. Ouquel lieu il fut receu à grant liesse du Roy et de la Royne, et généralement de tous les princes là estans.

Lequel temps durant, fut prononcé et défendu en plein parlement et par toute la cité de Paris que nul de quelque estât qu'il feust, ecclésiastique ou séculier, ne paiast quelque subside au pape Bénédic, ne à ceulx à lui favorables; et pareillement fut défendu par toutes les provinces de France. Si estoient lors plusieurs notables clers en icellui royaume en grande perplexité pour la division de l'Eglise.