CHAPITRE XXIX

Comment le duc Jehan de Bourgongue eut licence du Roy et de sou grant conseil d'assembler gens de guerre pour aler mectre le siège devant la ville de Calais.

Item, durant le temps que le duc d'Orléans fist le voiage dessusdit en la duchié de Guienne , ala le duc Jehan de Bourgongne devers le Roy , et traicta tant devers lui et son grant conseil, qu'il eut congié et licence d'assembler gens par tous ses pays à l'environ, pour mectre le siège devant la ville de Calais. Et lui fut promis de par le Roy, qu'il auroit aide de gens de guerre et de finance la plus grande qu'on pourroit finer par tout le royaume. Après laquelle conclusion il s'en retourna en sa conté de Flandres et manda par tout gens d'armes à venir devers lui entour Saint-Omer. Et avec ce , fist faire plusieurs habillemens de guerre , et par espécial , en la forest de Baulef fist édifier deux grandes bastilles prestes pour mener et conduire devant icelle ville de Calais. Et aussi , en autres lieux , furent faiz plusieurs fondrefïles , bricoles et eschèles. Et d'autre part, le Roy fist assembler de tous ses pays très grant multitude de combatans , lesquelz , comme les autres , se tirèrent tous devers Saint-Omer, en faisant sur icellui pays plusieurs maulx. Et entre les autres y avoit de quatre à cinq cens Genevois, dont la plus grant partie estoient arbalestriers alans de pié. Et quant ilz lurent tous venus ou pays environ Saint- Omer, comme dit est, il fut trouvé qu'ilz povoient bien estre environ six mille bacinets , trois mille archers et quinze cens arbalestriers , tous gens d eslite ,

130 CHRONIQUE [140<i]

sans ceulx de pié des marches vers Flandres , Cassel et autres lieux, dont il y avoit grant nombre. Et y avoit aussi grant quantité de charroy, canons , bombardes , artillerie, vivres et autres besongnes neccessaires à guerre. Mais non obstant que au pourchas d' icellui duc de Bourgongne toutes les préparations dessusdictes feussent faictes et apprestées par la licence du Roy et de son grant conseil , comme dit est , et que les monstres se dévoient faire pour partir assez briefment, vindrent devers le duc de Bourgongne et les autres, certains messages qui apportèrent lectres de par le roy de France par lesquelles il leur mandoit et défendoit qu'ilz n'alassent plus avant en icellui exercice ou armée. Lesquelles lectres receues dudit duc, il assembla son conseil , auxquelz il remonstra de cuer dolent la défense et commandement que lui faisoit ledit Roy, disant que ce lui estoit grant honte et confusion de rompre et départir une si notable compaignie qu'il avoit là assemblée, sans riens faire. Néantmoins, les seigneurs là estans, considérans qu'il faloit acomplir le commandement et ordonnance du Roy et de son grant conseil, conclurent de rompre icellui voyage, et retournèrent, à tout leurs gens d'armes, en leur pays. Car le Roy avoit escript pareillement au conte Waleran de Saint-Pol , au maistre des arbalestriers, et à plusieurs autres grans seigneurs, qu'ilz se gardassent bien, sur quanqu'ilz doubtoient à encourir son indignacion, qu'ilz n'alassent plus avant en icellui voiage. Et fut icelle départie, la nuit Saint-Mari in

d'iver ! . Toutesfoiz le duc de Bourgongne jura grant