CHAPITRE XXXV

Comment le prince de Gales , ainsné filz du roy d'Angleterre , «la en

Ecosse pour faire guerre.

Or est-il vérité qu'en ceste saison , environ la Toussaint, le prince de Gales, premier filz du roy Henry d'Angleterre fist assemblée de six mille hommes d'armes, et de six mille archers. Entre lesquelz estoient avec lui pour le conduire ses deux' oncles, c'estassavoir le duc d'Yorq et le conte Durset 1 , les seigneurs de Mortemer, de Beaumont, de Roz et de Cornouaille avecques plusieurs autres nobles hommes, qui tous ensemble se tirèrent vers le pays d'Escoce, pour ce principalement que les Escossois avoiênt naguères rompu les trêves entre les deux royaumes, et fait grans dommages par feu et par espée en la duchié de Lenclastre et es pays d'entour Rosebourg. Et tant chevauchèrent qu'ilz entrèrent à puissance ou pays d'Escoce et y firent très grant dommage , car lesdiz Escossois ne furent point advertis de leur venue jusques à ce qu'ils furent entrez oudit pays. Et quant les nouvelles furent espandues et venues à la congnoissance du roy d'Escoce *, qui estoit en sa principale cité ou milieu

1. Henri, plus tard Henri V, fils aîné de Henri IV, roi d'Angleterre et de Marie Bohun, fille du comte de Hereford, sa première femme.