Benoît XIII

[1408] D'ENGUKRRAN DE MONSTRELET. 2Î57

conques peines corporelles ou espirituellez , clères ou obscures , qui contenues y sont , sont de nulle valeur. La quatriesme conclusion, que ladite lectre d'elle mesmes est mauvaise , séditieuse , pleine de fraude , troublant la paix et oflensant la majesté royale. La cinquiesme conclusion est, que audit Pierre de La Lune , ne à ses lectres ou mandemens , nul ne doit obéir sur peine de bailler faveur aux scismatiques. La sixiesme conclusion , qui est à procéder contre ledit Pierre et ceulx à lui favorables et recevans ses lectres.

Après lesquelles six conclusions déclairées furent faictes requestes au roy de France par le dessusdit proposant et par l'Université. La première requeste, que bonne informacion feust faicte diligemment et soient prins tous les sustenteurs et récepteurs pour les punir et corriger selon le cas , desquelz moult en y a en ce royaume, dénommez par l' Université en temps et en lieu. La seconde requeste , que le Roy dore en avant , ne nul de son royaume de quelque estât qu'il soit , ne reçoive lectre dudit pape Pierre de La Lune. La tierce, qu'il soit commandé de par le Roy à ladicte Université , sa fille , que par icelle la vérité soit prescliée par tout le royaume. La quarte requeste , que l'évesque de Flory 1 qui a esté envoié devers ledit Pierre en ambaxade soit révoqué , et soient prins et retenus maistre Pierre de Courcelles, Çansien Leleu \ le doien de Saint Germain d'Auxerre , et iceulx punis selon leurs démérites. En oultre que la lectre faicte en manière de bulle soit deschirée comme injurieuse et

4 . Le ras. Suppl. fr. 03 met mieux sur la voie. Il porte : tévesque de Saint-Fhry. C'est Saiut-Flour.