Lis. Porto-Venere , comme plus haut

[ikOS] D'ENGUERRAN DE MONSTRELET. Î59

Si estoit lors la roy ne de France à Meleun. Auquel lieu ala le Roy et se y tint par aucun peu de jours , puis retourna à Paris, où estoient encores les ambaxadeurs du roy d'Escoce. Lesquelz après qu'ils eurent reçeu grant somme de pécune pour faire guerre aux Anglois, prindrent à lui congié et s'en retournèrent en leur pays. Et d'autre part le Roy octroya à ceulx de Gales , ung an durant , à ses despens , trois cens hommes d'armes et deux cens arbaleslriers , desquelz fut conducteur le Borgne de La Heuse , chevalier de grant renom, natif de Normendie. Et lui fist ledit Roy délivrer navire et argent pour faire icellui voyage en la princeté de Gales.