CHAPITRE XL1I

Comment le duc de Bourgongne se parti de Paris pour le fait du Liège. Ou roy d'Espaigne , et du roy de Hongrie qui escripvy a l'Université de Paris.

Item, le cinquiesme jour du moys de juillet oudit an , le duc de Bourgongne , avecques lui ses deux frères, se party de Paris, en grant indignacion de plusieurs princes et gouverneurs du royaume , et s'en ala à Àrras faire la feste de l'évesque de la cité de ladicte ville, nommé Martin Poirée, de Tordre des Prescheurs, lequel estoit son confesseur 1 , et de là s'en ala à Gand veoir la duchesse sa femme. Si fist grans préparatoires pour aler secourre Jehan de Bavière, son beau-frère , évesque de Liège , lequel pour lors ,

1. Le duc lui avait prêté mille écus pour avoir ses bulles. Voy. Labarre, Mém. pour servir à Vhist, de France et de Bourg"gnc y II' part., p. 92.

260 CHRONIQUE [i 408]

par les Liégois cstoit bouté hors de son pays et Tavoient assegé dedejis la ville de Traict *, où il s'estoit là retraict à refuge avec plusieurs gentilshommes tenans son parti. Et y estoit le seigneur de Pierrelles le chef et conducteur des Liégois , et son filz qu'ilz avoient esleu à leur évesque ou lieu dudit Jehan de Bavière. Et d'autre part le duc Guillaume , conte de Haynau , auquel icellui Jehan de Bavière estoit frère , le conte de Conversen, le seigneur d'Ânghien, avecques lui plusieurs grans seigneurs de ses pays , fist assembler très grant nombre de gens d'armes, lesquels , avec les seigneurs de Croy et de Heilli , que lui envoia le duc de Bourgongne, bien acorapaignez de grant foison de gens de guerre , se tira vers le pays de Liège pour y faire guerre à la cause dessusdicte. Et premièrement ardirent une maison et censé d'une église de l'ordre de Cisteaulx , et puis chevauchèrent devers Fosses et Florines 4 et sur tout le pays de la rivière de Sambre , ouquel ilz firent moult grans dommages par feu et par espée. Et de fait prindrent aucunes petites fortresses d'assault , dedens lesquelles furent mis à mort cruellement ceulx qui léans estoient. Et n'estoit lors en icellui pays espargné quelque créature de quelque estât qu'il feust , que tout ne feust mis à lespée. Si furent en ce voyage Pierre du Luxembourg, conte de Conversent, Englebert d'Enghien et plusieurs autres. Et après ce que icellui duc eut moult fort dégasté le pays, doubtant que lesdiz Liégois ne venissent pour le com-

batre, lesquelz estoient moult puissans et en trop