EPITAPHE

Elle en mourut, la noble Badebec,

Du mal d*enfant, qui tant me sembloit nycc.

Car elle avoit visaige de rebec,

Corps d'Espaignolle et ventre de Souyce.

Priez à Dieu qu'à elle soyt propice,

Luy pardonnant, s'en riens oultrepassa.

Cy gist son corps, auquel vesquit sans vice.

Et mourut 1 an et jour que trespassa.

^ Des meurs et condicions de Pantagruel durant son enfance.

I E trouve, par les anciens historiographes et poètes, que plusieurs I sont nez en ce monde en Êiçons I bien estranges qui seroient trop [| longues à racompter : lysezleseptiesme livre de Plyne, si avezloysir; mais vous n'en ouystes jamais d'une si merveilleuse comme fut celle de Pantagruel : car c*estoit chose fort difficille à croyre comment il creut en corps et en force en peu de temps. Ce n'estoit riens de Hercules, qui, estant auberseau, tua les deux serpens, carlesdits serpens estoient bien petitz et fragilles ; mais Pantagruel, estant encores au berseau, fist des cas bien espoventables. Je laisse icy à dire comment à chascun de ses repas il humoyt le laict de quatre mille sept cens vaches, et aussi comment, pour luy faire ung poeslon à cuyre sa bouillye, furent occupez tous les poesliers de Saumur en Anjou et de Bramont en Lorraine.

Et luy bailloit on la dite bouillye en ung grant tymbre qui est encores de présent à Bourges, auprès du palays ; mais les dentz luy estoient desja tant crues et fortiffiées qu'il en rompit dudit timbre ung grant morceau, comme trèsbien appoist. Ung certain jour, vers le matin, que on le vouUoit faire teter une de ses vaches

(car de nourrisses il n'en eut jamais aultrement, comme nous dit Thystoire), il se deffist des lyens qui le tenoient au berceau ung des bras, et vous prent ladite vache par dessoubz le jarret, et luy mengea les deux tetins et la moytié du ventre avecques le foye et les rongnons, et Teust toute dévorée, n'eust esté qu'elle cnoît horriblement, comme si les loups la tenoient aux jambes; auquel cry le monde arriva, et osterent ladite vache hors des mains dudict Pantagruel ; mais il2 ne sceurent si bien ^re que le jarret ne luy demourast, lequel il mengea tresbien comme vous feriez d'une saulcisse. Puis, quant on luy voulut oster l'os, il l'avalla bien tost, comme ung cormorant feroit ung petit poisson, et après commença à dire : « Bon bon bon : » car il ne sçavoit encore pas bien parler, voulant donner à entendre que il le avoit trouvé fort bon et qu'il ne luy en foilloit plus que autant. Ce que voyans, ceulx qui le servoient le lyerent à gros chables, comme sont ceulx que l'on faict à Tain pour le voyage du sel de Lyon, ou comme sont ceulx de la grant navire françoyse qui est au port de Grâce en Normandie, de laquelle son père Gargantua avoit prins le mastz pour toucher sa jument quant il fut en Champaigne; mais quelque foys qu'un grant ours que nourrissoit son père eschappa et luy venoit lescher le visaige^ car les nourrices ne luy avoyent pas bien torché les babines ; il se defifit diesdits chables aussi facillement comme fist Sanson d'entre les mains des

Philistins, et vous print monsieur de Tours, et vous le mist en pièces comme ung pouUet, et vous en fist une bonne gorge chaulde pour ce repas. Parquoy, craignant ledict Gargantua qu'il se gastast, tist faire quatre grosses chesnes de fer pojur Ip lyer; et fist faire des arcz boutans à $on ber^au, bien afustez; et de ses chaines en avez lue à La Rochelle que Pon lieve au soir entre les dem^ grosses tours du havre; Tautre est à Lyon; l'autre à Angiers ; et la quarte fut emportée des diables pour lyer Lucifer, qui se deschainoit en ce temps là, à cause d'une colicque qui le tourmeptoit extraordinairement, pour ce qu'il ayoit mengé Tame d'ung sergent en fricassée à son desjejuner, dont pouvez bien croire ce qua dict Nicolas de Lyra sur le passaige du psaultier où il en escript; etOgregenbasan, que Ledit. Og, estant encores petit, estoit si fort et robuste qu'il le failloit lyer de chaines de fer en son berceau. Et par a:insi demoura coy et pacifique ledit Pantagruel , car il ne povoit rompre tant £icillement lesdites chaînes : mesmement qu'il n'avôit pas espace au berceau de donner la secousse des bras. Mais voicy qu'arriva un jour d'une grant feste quç son père Gargantua faisoit un beau bancquet à tous les princes de sa court : je croy bien que tous les officiers de sa court estoient tant occupez au service du festin qu'ilz ne se soucirent point du paovre Pantagruel, et demouroit ainsi à reculorum.

Voicy qu'il fist : il essaya de rompre les chai-

nés de son berceau avecques les bras, mais il ne peult, car elles estoient trop fortes; adonc il treppina tant des piedz qu'il rompit le bout de son berceau, qui toutesfoys estoyt d'une grosse poustre de sept empans en carré, et ainsi qu'il eut mis les piedz dehors, il se avalla le mieulx qu'il peust, en sorte qu'il touchoyt des piedz à terre; et alors, avecques grant puissance, se le emportant son berceau sur Teschine, ainsi lyé comme une tortue qui monte contre une muraille; et à le veoir sembloyt que ce fust une grant carrocquc de sept cens tonneaulz qui fust debout. En ce point entra en la salle où l'on bancquetoyt, et croyez hardyment qu'il espoventa bien l'assistence ; mais, pour autant qu'il avoit les bras liez dedans, il ne povoit riens prendre à mengier, mais en grant peine se inclinoyt pour prendre à tout la langue quelque lippée. Quoy voyant, Gargantua son père entendit bien que Ton l'avoit laissé sans luy bailler aulcune chose à repaistre, dont lors commanda qu'il fiist deslyé desdictes chaînes, et ce par le conseil] des princes et seigneurs assistans, et aussi ensemble que les médecins dudict Gargantua disoient que, si on le tenoit ainsi au berceau, qu'il seroit toute sa vie subjet à la gravelle. Parquoy fut deschainé, et lorsqu'il fut deschainé on le fist asseoir, et repeut fort bien; puis mist son dit berceau en plus de cinq cens milles pièces d'ung coup de poing qu'il frappa au meillieu avecques protestations de jamais y retourner. Puis,

ce faict, fut fort bien traicté ledit Pantagruel ; parquoy èroissoyt de jour en jour et profûtoit à veue d'œil , dont son père s*esjouissoit par affection naturelle : car il luy fist faire, comme il cstoyt petit, une arbaleste pour se esbatre après les petis oysillons, laquelle est de présent en la grosse tour de la ville de Bourges ; puis l'envoya à Tescolle pour apprendre et passer son jeune aage; et de faict l'envoya à Poictiers pour estudier, auquel lieu proffita beaucoup. Quoy voyant ledit Gargantua que son filz s'en estoit allé profiter, dist à Merlin : « Sire, je vous supplie que nous en retournons veoir le bon roy Artus, car je croy que fort luy ennuyé que ne soyons de retour pardevers luy. » Ce que luy accorda Merlin voulentiers, car il sçavoit bien que le roy Artus auroit forte guerre, et de brief, contre les Hirlandois et Hollendois, et qu'il failloft qu'elle fust •mise à fin par ledict Gargantua. Dont se partirent luy et ledict Gargantua , et s'en retournèrent à Londres vers ledict roy Artus.

f£ Comment le roy Artus envoya une ambassade aux Hollandois et Hirlandois,

jlous debvez sçavoir que, quant ung

I grant mal ou aulcune maulvaise fortunée adulent à aulcun prince, grant ieigneur ou aultre, le plus

II souvent pour une il en advient bien dix. Ainsi en advint il au roy Artus quant il

eut guerre contre les Gotz et Magotz, car les Hirlandois et Hollandois, qui pour lors luy estoient tributaires, se révoltèrent. Et quant le roy Artus leur mandoit payer ces deniers ou ayde et confort de gens d'armes, ilz faisoyent tout au contraire ; parquoy luy, voyant son bon conseil, et aussi la puissance du gentil Gargantua, lequel estoit nouveau revenu du royaulme de Utopie, conclud leur envoyer une ambassade affin de leur signifier qu'ik luy eussent à rendre le tribut de sept années ou mettre leurs villes et chasteaulx entre ses mains, et aussi que leur roy se vint rendre prisonnier en sa noble court pour en £eiire justice telle que de . raison, et que par son bon conseil seroit advisé. Les Hirlandois et Hollandois ouyrent voulentiers les ambassadeurs dudit roy Artus, desquels ne se firent que mocquer : car ilz leur dirent qu'ilz estoient deux nations ensemble et de bon accoi;d, parquoy ne craignoyent rien le roy Artus, ne toute la puissance de son royaulme ; et pour ce leur dirent : « Nous vous dépendons, sur peine de tenir prison à vous, messieurs les ambassadeurs, de non plus parler de vostre roy Artus, car à luy ne voulons obeyr en aulcune manière. »

|£ Comment lesdict:^ ambassadeurs firent leur rapport au roy Artus^ et de la préparation de la guerre,

ES ambassadeurs du bon roy Artus, voyant la folle responces des Hirlandoys et HoUandoys, se sont partis du pays et se sont mis sur mer pour tirer vers Londres, où estoit le roy Artus ; lesquelz eurent si bon vent et si bien exploicterent qu'ilz arrivèrent par ung lundy matin en ladite ville de Londres, dont ledict roy Artus en sceut incontinent les nouvelles; puis les manda quérir par devers luy, lesquelz, arrives incontinent, fist entrer en sa chambre. Quant ilz y furent entrez, le saluèrent, comme bien faire le sçavoyent. Le bon roy Artus leur rendit leur • salut en leur demandant quelles nouvelles ilz rapportoyent desdictz subjectz. Lors respondirent lesdictz ambassadeurs que les Hirlandois et Hollandois estoient totalement ses ennemis, et qu'ilz ne prisoient luy ne toute sa puissance ; dont le roy leur demanda s'ilz leurs avoient point parlé de la puissance de Gargantua ; lesquelz respondirent que non, combien qu'il leur en souvenoyt assez; mais» à cause de leur oultrecuydance, ne les avoient voulu advertir de leur proffit. Lors le roy en fut bien ayse et leur dist que c'estoit bien faict ; et, ses parolles

finies, le bon roy fist assembler tout son conseil pour sçavoir s*il leur debvoit faire la guerre, auquel fut appelle Merlin et plusieurs aultres ; et lors fut conclud que ledict Gargantua iroit et prendroit gens d^armes ce qu'il luy en plairoit soubz son enseigne, et que Merlin les conduyroit et bailleroit conseil audict Gargantua, ainsi qu'il avoit tousjours acoustumé.

4C Comment Merlin dist à Gargantua qu'il fallait qu* il fist la guerre contre les Hirlandois etHolandois.

ERLiN voyant la conclusion du conseil du bon roy Artus, comme celuy qui veult et désire du tout le profit uii'^^M ^^ ^^" maistre, il s'en est venu à ï^™^^51 Gargantua, auquel ila.dict : « Levez la main etfaictesle serment au roy de le bien servir en certaine guerre mené depuis peu de temps entre luy et les Hirlandois et HoUandois. »

Lors Gargantua, qui estoit devers le soleil, qui estoit chauld et penetrand, va lever sa main tout au large, en telle sorte qu'elle faisoyt bien demye lieue et demy quart d'ombre tout à la ronde justement; et estoit pour lors ledit soleil sur le point de mydy. Puis, quant ledit Gargantua eut faict le serment, il pria son maistre Merlin qu'il luy donnast conseil, car de force avoit assez, et

luy dist que en brief temps luy monstreroit Touvraige qu'il sçavoit feire de sa massue ; puis Merlin luy dist : « Gargantua, il te fault mener avecques toy seuUement deux mil hommiis, lesquelz feront le pillaige quant tu auras gaigné la bataille; et saiches de vray que tu prendra; leur roy prisonnier, lequel tu amèneras au bon roy Ârtus, et aussi les plusapparans de sa court, et les détiens prisonniers jusques à ce que on en ayt fait présent au roy Artus. » Alors luy dist Gargantua : a Ne vous en soulciez, je vous respons des roys de Hirlande et Hollande et aussi de tout leur train, car je vous les ameneray tous acoustrez en faiseurs de chaulderons. » Lors les Londriens, voyans la noblesse et vaillaivce du gentil Gargantua, tindrent la maison de leur ville cedict jour là ouverte pour luy faire ung présent, puis adviserent entre eulx, et luy donnèrent sept fournitures de godalle, car audict Londres ne buvoyent aultre bruvaige se ilz n*estoyent nobles ou grans seigneurs. Et vinrent par devers luy dixsept des plus principaulx de ladicte ville le remercier des biens qu'il luy plaisoit de faire au pays de la grant Bretaigne et à leur bon roy Artus. Lors ledict Gargantua, pensant que ce fust bruvaige pareil à celuy que luy avoyent aultreflfois donné les Angevins, et en avalla trois fournitures sans les gouster, puis se print incontinent à cracher si treshorriblement que il diffama tous ces seigneurs de Londres, ausquelz il dist : « A tous les dyables soyez vous

donnez, meschans godalliers; vous ne valiez tous rien nom plus que vostre bruvaige. »

Alors tous ces Londriens se prindrent à fuyr si impétueusement que le plus hardy d*entre eulx eust bien voullu encores estre au ventre de sa mere. Puis dist au roy Artus : « Sire, donnez moy ung congié ce c'est vostre bon plaisir. » Lors respondit ledict roy Artus et luy dist : a Très voulentiers je vous octroyé; mais ne faictes aulcun mal à personne. » Le roy avoyt grant paour luy mesmes, à cause qu'il ne sçavoit que ledict Gargantua vouloit dire.

4£ Comme ledict Gargantua dora toutes les murailles de la ville de Londres du costé qui est clos.

ARffANTUA, oyant la responce du roy Artus, destacha la martingalle de ses chausses, car tout son ventre luy brouilloit si treshorriblement qu'il sembloyt qu'il y eust ung tonnoirre enfermé dedans. Alors s'enclina devers le roy Artus, puis s'en va deslacher son brodier si tresimpetueusement que on cuydoyt que la ville fondist tout en abisme : car il rendit si tresterrible éclipse de cul que toute ladicte ville, jusques à l'autre costé de la rivière de la Thamise, en estoyent tous embrenez. Puis leur dist tout hault : « Meschans godalliers, vous

m*ave2 donné à boire, mais, affin que ne me reprouchez rien, je vous baille la fine moustarde de chioche à menger^ et se vous la trouvez bonne, ne faictes que retourner par devers moy, car je vous la bailleray tousjours toute fresche comme la marée au jour de vendredy. » Le bon roy Artus et toute sa chevallerie, ayant veu desbonder la patremuse du brodier de Gargantua, se prindrent tous à rire si tresfort qu'ilz en eurent les passions plus de sept jours. Et disoit le roy : a Ainsi il ne fault point d'aultre artillerie pour aller combatre à rencontre des Hirlandoys et Hollandois. Lors voyans ce lesdictz bourgeoys congneurent bien qu'il estoyt courroucé contre eulx, car, ilz vindrent devers luy et luy supplièrent que son bon plaisir fust de venir faire collation avecques eulx en leur hostel de la ville : ce que voulentiers leur promist, car ilz luy dirent : « Gentil capitaine, nous vous ferons boire du bon vin, et si vous donnerons d'une fort bonne sallade pour vous resjouir ung peu vostre estomach. » Et, ce faict, le menèrent à leur dit hostel, puis le firent seoir à table, laquelle estoit préparée pour le recepvoir : dont pour Pentrée de ladicte collation luy fut servy de sallade en laquelle avoit bien la despouille et tonture de sept arpens de prez, sans les lectues et cibotz, qui se montoyent bien environ troys chartées et demye ; et environ treize cens chèvres d*huylle d*ollif et vingtsept pipes de vin aigre rosart. Puis après luy firent servir sept cens cinquante platz de

petites oues; et pour le dessert luy donnèrent troys cens quatre vingtz dixsept tartes , lesquelles n'estoyent pas moins grandes que sont les meulles desmoullins que sont à NostreDame des Champs près les carrières. Dont le gentil Gargantua treshumblement les remercya, et leur promist de tousjours estre leur bon et loyal amy. Quoy voyant Merlin que ledit Gargantua estoit bien rapaisé, il fist son amastz de gens de guerre et duyctz es armes; puis, par le congié du bon roy Artus, les mena tous sur le rivaige de la mer et leur dist : « Il nous convient tous passer par cy dessus, mais de ce ne vous soulcyez, car au bon plaisir de Dieu je en viendray bien à bout, et si vous conduyre bien seurement. »

m Comment, par le conseil de Merlin^ Gargantua et toute son armée se partirent de la grant Bretaignepour combattre lesHirlandoys et HollandqySj puis ledict Gargantua s'en alla seoir sur le boullevert de la ville de Reborsin^ ville cappitalle du royaulme d'Hirlande.

'hystoire nous dict que ledict Merlin fist venir une grosse nuée toute noire, et puys tout en ung moment furent passez tous par dessus la ^^haulte mer, et si trouvèrent tous ceulx de ladicte armée, sauf Merlin, lequel s'en estoyt retourné à la court du roy Artus. Adonc ,

quant Gargantua veit tous ses gensau près de luy, il ne fut point esbahy, mais leur dist à tous : « Mes enfens, attendez moy en ce lieu icy, car je vueil aller veoir si les portes de ceste ville sont bien fermées et si veulx sçavoir comme on l'appelle, car nous sommes en pays de conquest. » Adonc Gargantua mist sa massue sur son espaulle et s'en va vers la ville ; et en son chemin rencontra ung homme tout armé, lequel se montoit à cheval, auquel dist : « A qui es tu ? Viença. Qui est ton maistre ? » Adonc ledict homme d'armes fist le signe de la croix en luy disant : « Ennemy, je te conjure. » Lors ledict Gargantua le print et le mist en ung coing de sa gibecière ; puys s'en alla vers les portes d'icelle ville, où il trouva beaucoup de menu peuple, dont il ne tint pas fort grant compte et les laissa tous courir en leur ville; puis, quant ilz y furent, fermèrent leurs portes et s'en allèrent sonner les grosses cloches pour faire assembler toute la commune dudict pays, laquelle fut incontinent toute sur les murailles de ladicte ville pour jecter des pierres et pour deflfendre leur dicte ville contre Gargantua. Mais il ne les doubtoit en rien, car il n'avoit point de paourqu'ilz luy fissent aulcun mal; mais devant tous se alla seoir sur l'ung des boullevers de ladicte ville, puis leur demanda comme avoit nom la ville et aussi à qui elle estoit. Lors luy dirent qu'elle estoit au roy d'Irlande et que elle se appelloit la forte ville de Reborsin. Adonc leur demanda se le roy estoyt en ladicte ville,

lesquelz luy dirent que il y estoyt, et estoyt en son pallays avecques ses barons. Adonc ledict Gargantua leur dist : a M es seigneurs, allez luy dire que je suis cy arrivé pour le combatre en champ de bataille luy et toute sa puissance, et si luy dictes que je le meneray prisonnier au gentil roy Artus, pour le refifus qu*il luy a faict de payer les deniers qu'ilz luy debvoyent, et aussi qu*ilz luy avoyent reffusé à bailler de guerre pour combatre à rencontre des Gotz et Magotz quant ilz luy faisoyent la guerre. »

fL Comment le roy cTHirlande sortit secrettement hors de sa ville à tout cinq cens hommes d'armes pour cuyder surprendre ledict Gargantua,

ïliNsi que le gentil et vaillant Gargantua parloit ausditz citoyens, et comme d'icelle ville le roy sortit par une. faulce porte, laquelle . estoyt secret te, avecques cinq cens hommes d'armes tous bien en ordre, et s*en vindrent pour cuyder surprendre ledict Gargantua, qui estoit encores assis sur ledict boullevert ; et quant Gargantua les veit venir à rencontre de luy, il passa oultre la barrière dedans ledict boullevert, puys se print à ouvrir la gueulle en se mocquant de ce qu'ilz estoyent cy peu de gens. Adoncques se prindrent tous à le regarder,

et disoyent les ungs aux aultres que c'estoyt ung dyable, car il avoit la gueulle fendue environ de quatre brasses et ung tiers ; puis se prindrent à tirer de leurs arcs et arbalesies contre Çargantua. Quoy voyant, ledict Gargantua -^rt bien legierement d'icelluy boullevert, et, sans frapper aulcun coup de sa massue, les print à belles mains et en emplist tout le fons de ses chausses, et l'autre partie mist en la fente de ses manches; puys s'en retourna vers ses gens d'armes, lesquelz l'atendoient au bort de la mer; puis leur bailla lesdictz prisonniers à garder, dont ilz furent tous moult joyeulx de la belle prinse que avoit Êiict leur gentil capitaine Gargantua.

fL Comment ledict Gargantua demanda ansdict^ prisonniers se leur rqy estoit en leur compaignie.

||n après que Gargantua fut revenu 'de bailler Pescarmouche à la ville I de Reborsin, qui estoit la ville capitalle du royaulme, et qu'il eut . prins plusieurs prisonniers, lesquelz il apporta en la fente de ses manches et au fons de ses chausses, il les fist conter par ses gens d'armes, et s'en trouva jusques au nombre de trois cens et neuf justement, et ung qui estoit mort du vent d'ung pet que avoit faict ledict Gargantua en ses chausses; et avoit le povre

pnsonnièr toute la teste fendue et la cervelle espendue de ce coup de brodier, car il petoit si tresrudementqueduventqui sortoit de son corps il en eust bien faict verser troyschartées defoing, et d'une vesse eust bien faict . mouidre quatre moullins à vent, sans le morvent pour mascher, dont il eust bien remply toute une ville sans les fossez. Or laissons ce pet et Thomme mort, et revenons aux troys cens et neuf qui furent comptez et interroguez en ceste manière par ledict Gargantua, lequel leur demanda : « Or sa, messieurs, vous sçavez bien que tous estes mes prisonniers et qu'il est en moyde vous faire tous mourir de quelle mort qu'il me plaira ; parquoy, sy vous vouliez saulver vostre vie, dictes moy en vérité se vostre roy est en vostre compaignie. » Adonc luy dirent tous en gênerai qu'il n'y estoit point, car il s'en estoit eschappé par une faulce porte où estoit ui^ petite ruelle bien fort estroicte, et s'en estoyt allé musscr en une petite basse maison en tirant vers la rivière pour soy mettre à saulveté.

fL Comment Gargantua se disposa de aller bailler une alarme en ladicte ville de Reborsin, et des trefves qui furent lors/aictes.

E lendemain, au point du jour, se disposa Gargantua de bailler ung assault à la ville de Reborsin plus fort que par devant n'avoit pas fisiict, pour sçavoir si le roy sorti-

roit comme il avoit ja faict la première foys. Lors il commanda à ses gens que ilz gardassent bien les prisonniers, lesquelz il leur avoit baillez, puys print sa massue à son col et s'en alla accoulder sur les murailles de ladicte ville de Reborsin ; et quant les assistens qui gardoyent ladicte ville le veirent venir, ilz le allèrent incontinant annoncer à leur Roy, lequel envoya dire à Gargantua par ung Hérault et messagîer d*armes que son bon plaisir fust de luy donner trefves pour quinze jours seullement, et il luy feroyt délivrer de la ville deux navires chargées de harenc frais avecques deux cens cacques de macquereaulx saliez et de la moustarde pour les menger. A quoy voulentiers se accorda ledict Gargantua, par ainsy que leur roy prepareroit son armée dedans quinze jours, et que luy mesmes assisteroit au combat avecques toute sa puissance. Lequel appoinctement ainsi conclud fut présenté audict Gargantua lesdictes deux navires toutes pleines de harenc fraiz et les deux

cens quaques de macquereaulx saliez avecques dix barilz tous pleins de moustarde. Ce voyant Gargantua qu'il estoit bien appoyssonné, il en envoya à ses gens d'armes une des navires de harenc fraiz seuUement avecques deux barilz de moustarde. Et saichez que tout cecy luy fut servy à une table laquelle avoit estée préparée à ce faire devant Tune des portes de la ville à ung desjeuner, par ung lundy matin, entre sept et huyct heures. Après ce faict, et que ledict Gargantua eut bien desjeuné, il eut fain de dormir, et, pour soy reposer bien à son aise, s'en alla environ à ung quart de lieue de la ville en une grant vallée où il s*endormit. Aulcuns de la ville Tavoient bien veu endormir, lesquelz le vindrent incontinent annoncer à tous les citoyans ; et par le conseil qu*ilz firent ensemble, fut dict que ilz le yroyent assaillir la nuyct etqu'ilz le tueroyent en dormant. Dont, quant la nuyct fut venue, ilz se partirent delà ville le plus secrettement qullz peurent; puis, quant ilz furent au lieu où ilz le . avoyent veu endormir, ilz cuydoyent devaller la vallée; mais tous tumboyent dedans la bouche de Gargantua, lequel dormoit la bouche ouverte, et y tombèrent deux cens et sept justement. Et quant ledict Gargantua fut esveillé, il eut si tresgrant soif, à cause de ses macquereaulx saliez qu^il avoit mengez, qu'il sen alla tout droict à la rivière pour boire, et en beut tant et si longuement qu'il mist toute ladicte rivière à sec. Lofs lesdicts citoyans qui estoient tombez en sa bou-

che comme dict est furent tous noyez. Encores en beuvant il avalla ung grant basteau le tout chargié de pouldre à canon, lequel venoit pour renforcer ladicte ville contre ledict Gargantua. Puis après qu'il eut ainsi avallé ledict basteau, il se trouva ung peu en malaise, car il estoit tout estourdy du basteau; parquoy il siffla en sa paulme pour faire venir ses gens qui le attendoyent sur le bort de la marine : lesquelz, quant ilz furent tous venuz et qu'ilz eurent aussi apperceu que leur cappitaine estoit ainsi mallade, ilz en envoyèrent tout incontinent en court deux messagiers, lesquelz firent le r-ecit de la malladie dudict Gargantua. Dont le Roy fut fort troublé quant il sceut ses nouvelles, car tout subit il manda quérir Merlin, auquel pria qu'il s'en allast avecques lesdictz messagiers pour visiter ledict Gargantua, et qu'il menast avec luy ses quatre médecins pour le penser aiiisi que bien faire le sçavoient. Lequel Merlin par son art fîst incontinent venir une grosse nuée toute noyre, puis luy et lesdictz quatre médecins et messagiers se trouvèrent tout aussi tost où estoit malade ledict Gargantua, lequel toustesfoys se resjouist ung peu pour la venue de son bon maistre Merlin.

Adonc ledict Merlin dist aux médecins : « M esseigneurs, il vous fault descendre à tout voz muUes dedans le ventre de ce noble capitaine, pour veoir dont luy procède ceste maladie. » Lesquelz dirent que tresvoulentiers le feroyent et que son opinion estoit tresbonne. Adonc le-

dkt Merlin bailla une torche toute allumée à celux qui devoit aller devant, à celle fin qu'ilz peussent mieulx veotr à leur aise dont procedoit ladicte maladie. Lesquelz médecins, après ce qu'ilz eurent bien partout regardé, adviserent que ceste maladie luy procedoit à cause de ce basteau qu'il avoit avallé ; parquoy firent venir Merlin pour luy monstrer dont procedoit ladicte maladie. Quoy voyant, Merlin leur dist i « Messeigneurs, vuydons d*icy à celle fin de y remédier bien test. » Lors Merlin dtst à Gargantua : « Noble capitaine, il fiiult que vous en alliez vers la première porte de la ville, puis, quant serez là arrivé, faictes ce que je vous conseilieray. » Adonc ledict Merlin, à Payde desdicts médecins, le fist coucher le cul vers la ville, puis luy firent ouvrir la bouche et luy mirent dedans trois chartées d'allumettes, lesquelles ilz allumèrent à tout leur torche ; puis, incontinent que le feu fut prins esdictes allumettes, le gentil Gargantua fermit sa bouche comme luy avoyent conseillé ksdictz médecins^ et puis ouvrit son derrière, duquel sortit ung terrible bruyt : car pour lors vous eussiez dict que c'estoit ung tonnoirre le plus merveilleux que on vit oncques, car du bruyt qu'il fist et du feu qui luy sortit hors de son corps tous les faulxbourgs en furent bruslez. Ce faict, Merlin et lesdictz médecins s'en retournèrent en court comme ilz estoient venuz, bien )oyeulx de la bonne santé du gentil capitaine Gargantua.

^ Comment les Roys de Hirlande et Hollande se préparèrent et assemblèrent tout leur ost pour résister contre la puissance de Gargantua,

ES Roys de Hirlande et Hollande voyant que ilz ne avoyent plus gueres de trefves, ilz firent Êiire diligence de mander par tout leurs pays de Hyrlande et de Hollande que tout ban et arrière ban fust prest de venir en la noble ville de Reborsin le troysiesme jour de may ensuyvant, et que ung chascun fust le mieulx en poinct pour soy deflfendre qu'il seroit possible. Tant et si bien firent les maissagiers desdicts roys de Hirlande et Hollande que en peu de temps ilz amenèrent en court bien deux cens mil hommes bien equippez de ce qui leur estoit nécessaire pour le fait de la guerre. Puis quant ledict roy de Hirlande se veit si bien^ accompaigné et que le roy de Hollande luy avoit envoyé secours de si bons gens d'armes et si bien en poinct, excepté d'artillerie, car en celuy temps n'en estoit encores gueres, il manda par ung de ses herault au cappitaine Gargantua, lequel estoit avecques ses gens sur le bort de la marine à faire grant chère, qu'il vint luy et sesgens, et que le roy le attendoit avecques belle compaignie, et que, s'il ne venoit bien tost, qu'il le

viendroit veoir. Alors fut ledict Gargantua biea aise, lequel dist au hcrault qu*il allast dire au roy qu'il ne print pas cette peine, et qu'il le verroit plustost qu'il ne luy seroit besoing. A tant se part le herault et s'en va faire la responce au Roy. Puis dist ledict Gargantua à ses gens que, quant il les appelleroit, qu'ilz venissentpour faire le piUaige. Lors s'en va Gargantua vers l'armée, sa grosse massue sur son col; et quant il fut près, il veit bien et apperceut que tout le pays estoit plain de gens de guerre, et aussi congneut qu'ilz avoient feiict plusieurs engins pour le cuider faire tomber dedans. Ce voyant, il se approcha près; mais, quant ilz l'eurent apperceu, luy tirèrent tant de flèches qu'il ne veoit goutte à se conduire. Adonc print sa massue à deux mains et s'en esmouche deçà et delà aussi fermement que faict unglyon quant il prent sa proye, car il fist tant que en peu d'heure et espace il en tua bien cent mil trois cens et sept justement, et deux qui faisoient les mors soubz les autres ; ^t au meillieu de Parmée estoit le Roy et cinquante des plus grans seigneurs de sa court qui luy crièrent tous miséricorde. Lors leur de- . manda le capitaine Gargantua : « Quiestes-vous ?» Et ilz respondirent que c'estoit le Roy et tous les plus grans seigneurs et barons du pays, Adonc leur commanda Gargantua quUlz ne bougeassent et qu'il les livreroit prisonniers au bon roy Artus* avecques les aultres pour en faire du tout à sa voulenté. Lors ledict Gargantua se print à siffler

en paulme , puis ses gens , qui estoyent sur la marine à trois petites lieues de là, tout incontinent qu*ilz ouyrent leur capitaine Gargantua qui siffloit en sa paulme, ilz se avancèrent tous d'aller vers luy, car ilz sçavoient bien qu'il les appelleroit pour faire le pillaige des gens qui auroient estez tuez en la bataille. Puis, quant ilz furent là, et qu'ilz eurent bien tout pillé, Gargantua print les cinquante prisonniers et les mist en une dent creuse qu'il avoit; et sachiez que dedans ladicte dent creuse avoit ung beau jeu de paulme où s'en alloient esbattre lesdicts prisonniers; et mist le roy dedans ung des boursaults de sa gibecière , car en l'autre petit boursault il y avoit mis trente six grosses meulles de moullin pour faire ung gect , lesquelles il avoit prises es haultes Auvergnes. Puis luy et sa bende s'en sont venuz au rivaige de la mer, pensans qu'ilz y deussent trouver le bon prophète Merlin, comme ilz avoient faict à l'autre voyage. Quoy voyant le gentil capitaine Gargantua, que ledict Merlin n'estoit encores venu, tira son vit hors de sa brayette et le mist pardessus ledit bras de mer; puis il dist à ses gens d'armes qu'ilz passassent hardiment comme s'ilz estoicnt sur une navire ou gallée. Le oyans, lesdicts génsdarmes se prindrent tous à passer sept à sept par dessus ceste planche ; puis quant ilz furent tous passez, le noble capitaine Gargantua remist son vit en sa brayette et se mist à passer la mer après ses gens d'armes, lesquelz furent bien aises quant

ilz se virent hors des grans dangiers de la mer. Ainsi qu'ilz estoient ensemble, adviserent Merlin qui les venoit quérir pour les remener en court au noble roy Artus, lequel fut fort esbahy comme ilz a voient esté si hardis d*avoir ainsi passé le dangier de la mer ; parquoy, quant il les veit tous passez , en fut bien aise; puis, après les avoir tous saluez, les mena au roy Artus, lequel fut fort joyeulx de leur venue. Puis ledict capitaine Gargantua luy fîst ung présent de tous les prisonniers qu'il avoit apportez, et à ce y estoient presens tous les barons et grans seigneurs de la court du roy Artus, lesqueiz en furent fort joyeulx et luy firent grant honneur et révérence : car il prisoient beaucoup sa force. Incontinent advint qu'il print mal audict Gargantua à cause de sa dent creuse , et estoit pour ce qu'il avoit apportez lesdicts L prisonniers dedans; pour laquelle maladie le roy Artus tist mander tous les barbiers et menteurs arracheurs de dentz de tout son royaulme, lesqueiz vindrent tous à son commandement; puis leur dist : « Messeigneurs , je vous prie de visiter dont procède ce mal de dent de ce gentil capitaine Gargantua. » Lesqueiz firent leur raport après leur Visitation faicte et luy dirent ainsi : « Sire, il ne seroit pas possible de trouver ferrement pour luy arracher sa dent, car elle est tropgrosse ; mais nous vous conseillerons bien ce que vous y pourrez faire pour y remédier, et le plustost seroit beaucoup le. meilleur. Mandez quérir tous les cordiers

et fillaciers de vostre royaulme ; puis , quant ilz seront tous venuz, vous leur commanderez de faire ung gros chable de quatre ou cinq cens toises de long et gros à ladvenant; et puis leur £iictes attacher à l'entour de la dent dudit patient , puis à lautre bout y faictes mettre et atteller quatre ou cinq cens chevaulx legiers ; et surchascun cheval qu'il y ayt ung bonhomme et fort pour bien toucher lesdicts chevaulx, caraultrement ce seroit chose impossible de luy arracher. » Ce que fist faire le bon roy Artus, car il ne desiroit aultre chose que de veoir tou$«^ jours son gentil capitaine Gargantua en bonne santé,

^ Comment, après que le vaillant capitaine Gargantua fut guary de sa dent, mist ung grant gean en sa gibecière nommé Rince godet.

PRÈS que ledict Gargantua fut du tout guary de sa dfint et qu'il se sentoit bien à son ayse, Merlin demanda congié au bon roy Artus pour s'en aller; ce que tresvoulcn^ tiers il luy accorda, car il n'y povoit mettre remède, ainsi que vous avez peu veoir au commencement de ce livre. Puis incontinent le bruyct fut par toute la ville qu'il y avoit ung grant et merveilleux gean, lequel avoit bien troyscens cinquante couldéès de hault, quiestoyt

venu pour soustenir la querelle des Gotz et Magotz , et estoyt nommé Rince godet, lequel, par où y passoit, destruysoit tout le plat pays et demandoit nouvelles de Gargantua , disant qu'il se voulloit combattre contre luy pour vengier le meurtre qui avoit faict ausdictz Gotz et Magotz ; et en fiit le bruyct si grant qu'il vint jusques aux oreilles du noble cappitaine Gargantua, lequel fut bien aise d'ouyr parler de la puissance dudictgean, car il dist que, s'il vouloit servir le bon Roy Artus, que il luy bailleroit la moytié de ses gaiges qu'il avoit du roy Artus. Lors ledict Gargantua print sa massue et s'en va veoir où estoit ledict gean. Mais il luy fut dict qu'il estoyt à sept petites lieues de Londres , où il avoit assiégé ung fort chastel, et si avoit ja tout destruict le villaige et pays d'environ. Incontinent ledict Gargantua y alla ; puis , quant il le veit, il le salua bien fort honnestement ; mais ledict gean n'en fist compte et commença à le regarder en luy disant : « C'est toy que je cherche. Saiches que jamais tu ne retourneras d'où tu viens, car tout maintenant seront vengiez les Gotz et Magotz de Toutraige que tu leur as faicte: » Adonc ledict gean, qui avoit ung peu la veue trouble, print une grosse massue de boys dont il cuyda frapper ledict Gargantua ; maïs il faillit, car il frappa ung groschesne, lequel il abbatit. Lors ledict Gargantua le print et le pendit à son bonnet pour luy donner ung peu d'ombre, pour ce qu'il faisoit quelque peu chault ; et estoit

le dict chesne aussi grant que l'orme Brandin qui est auprès de la roche devant le boys de Chanteloup. Puis ledict Gargantua va prendre ledict gean et luy ploya les rains en la forme et manière que l'on ployeroyt une douzaine d'esguillettes, et le mist en sa gibecière; mais tout premièrement luy -demanda dont il estoit venu et aussi où estoient ses compaignons. Alors le dict gean luy respondit qu'il estoit venu de la Montaigne Noire et que le père des Geans, nommé Gorge d*arain , Tavoit envoyé en la grant Bretaigne pour destruyre Gargantua, le roy Artus et sa table ronde , Merlin et tout le pays generallement. o Et comment , luy dist Gargantua, ce meschant gean de Maschemerde Gorge d'arain te a il envoyé jusques icy pour quérir ta mort. Je te prie, dis moy où sont les paiges et aussi les Gotz et Magotz qui te ont conduyct jusques icy, et me dis où je prendray le chemin pour aller à celle Montaigne Noire. » Lors le gean Rince godet luy dist : « Je h'avoyc que ung paige, lequel j'ay laissé au pays des Gotz et Magotz; mais ceulx qui me ont conduyct sont tous icy bas en une prée, lesquelz sont environ de sept à huyct cens, tous Gotz et Magotz. Quant est du chemin pour aller à la Noire Montaigne, il fault premièrement aller en Hierusalem , au mont de Sinay ; et puis par les desers , jusques es Yndes , en la terre du prestre Jehan ; et puis Ton voit la Noire Montaigne de plus de sept cens lieues loing. — Or bien.

di»t Gargantua 9 il suffist , tu en es quicte; ton paige, tes Gotz et MagotZy et aussi ton Goi^e darain y ne te verront jamais , jusques à Theure que tu seras appelle pour tesmoigner le payement du drap de maistre Pierre Pathelin. » Alors il ploya ledict gean Rince godet comme dit est ; maïs premièrement, en recongnoissance de foy et hommaige* il luy fist baiser la premuse de son brodier; puis il le estuya en sa gibecière comme a «st4 dit par cy devant, et alla soudainnement visiter les Gotz et Magotz au bas de ladi cte montaigne et prée où ilz estoient , qui levoient les yeulx contremont et bayoient la gueulle aux mousches, regardans quant leur gean Rince godet apporteroit Gargantua. Mais il leur advint tout au contraire : car, quant le gentil cappilaine Gargantua les veit venir, il ne fist «tûtre chose sinon que destacher et déboucher le trou de son morvent, et les renversa tous mortz, à cause d'une vesse quil leur deslacha de son amoureuse fante; puis les serra et les mîst tous en sa gibecière, et les porta au noble roy Artus, lequel eut grande joye d'avoir la despesche de ce grant villain paltoquier. Et remercya ledict Gai^antua de ce qu'il avoit faict ung si bel explect ; puis luy donna en recompense ung moulin à vent comme celuy de Gobelin , lequel estoit tout d'or massif, et les voiUes estoient de toiUe d'argent ; dont Gargantua se print fort à rire, et dit au Roy qu'il voulloit devenir musnîer. Ce voyant , Merlin print congié du noble Roy Artns,

comme dict est ; dont le noble Roy fut tant courroucé et desplaisant qui ne luy sceut ung tout seul mot4ire. Gargantua, voyant ainsi départir son bon maistre Merlin , dist au roy Artus i^ia'il voulloit suyvre son advancure, et après qu'il reviendroit par devers luy^ mais qu'il eust faicte son entreprinse , et rameneroit Merlin quant et luy, se «stoyt possible. Lors le Roy luy donna congié , car il ne luy sçavoit que dire , à cause du courroux et ennuy qu'il avoit du départ du bon prophète Merlin.

iT Comment le vaillant <:appitame Gargantua exploicta en faisant son voyage.

K cappitaine Gargantua empoigna sa massue et la mist sur son col, puys se mist à traverser la mer et s'en vint à Sainct Malo de Lisle; puis passa Bretaigne et s'en vint à Laval ,et se voullant ung peu reposer sur ung gros boullevert qui estoyt là. Et en soy reposant veit deux grans clochiers, dont l'ung estoyt bien gros et bien long ; il se pensa que de cestuy feroit une gaisne à sa massue, et de l'autre, qui estoyt tout de plomb richement estoffé, il en feroit ung sifflet à la mode de ceulx qu'il avoit veuz au mont Sainct Michel. Puys, quant il fut au dedans de la ville , il mesura sa dicte massue au grant clochier de la Trinité, qui est estimé l'ung des.

grans et des haultz de France, et dist que c'estoit proprement son cas pour la gaisne de sa massue ; puis le voullut arrachier pareillement Tautre clochier qui est à Sainct Tugual ; mais le seigneur de la ville , les chanoynes , marchans et hourgeoys de ladicte ville , vindrent par devers luy le prier que son bon plaisir fust ne leur faire ceste injure , et que ilz luy feroyent quelque présent honneste, ce que facillement leur accorda le dict Gargantua pour Tamour du seigneur, qu'il avoit veu chez le bon Roy Artus. Et pour présent luy donnèrent quinze mil aulnes de toille d*ung fin lin pour luy faire une douzaine de mouchouers : car il ne luy falloit point de chemise, pour ce que le Roy Artus Ten avoyt faict fournir, aussy de souUiers , chausses , pourpoinct, de robbe, de chappeau et de tocque; et ceulx de Laval luy parfirent le résidu , par le quinze mil aulnes de toille de lin qu'il print et les mist dedans ung des boursaulu de sa gibecière; puys delà s'en va passer par Rom me et dist qu'il feroit ung pet pour la mulle du pape , pour ce qu'on l'enfermit hors la ville ; et puis, quant il veit qu'il n'y entreroit point par amour, il deffonça grant partie des murailles de ladicte ville et la moyctié du Capitolle ; puis delà s'en alla à Naples, en Ceciile, jusques en Sirye, au mont de Sinay, où il parla à des religieulx , lesquelz luy enseignèrent la Montaigne Noire. Alors il avoit grant fain , à cause du grant chemin qu'il avoit faict; mais les paouvres reli-

gieulx n'avoient que menger. Lors leur demanda s'il y avoyt point de bestes saulvaiges près de ce lieu. Ce luy dist l'ung des religieulx : « Il y en a assez comme lyons, ours, tigres, leoppars, cerfz^ sangliers , et d'aultre part y a grant quantité de griffons , lesquelz sont fort dangereulx. » Incontinent ledict Gargantua dist qu'il* en cheviroit bien; lors devalla de l'autre costé de la dicte montaigne, où il trouva de toutes manières de bestes saulvaiges. Et pour commencer, deux grans griffons vindrent voiler par dessus luy, lesquelz luy firent tomber son bonnet, son plumaÛ et le chesne qu'il y avoit mis hors de dessus sa teste ; mais , quant il les sentit , il haulsa sa massue et les mist en deux pièces ; d'ung seul coup il tua dixsept lyons , xv leoppars , viii loups, XI ours, XI buffles, vu tigres et deux grans serpens , et de tout se repeut bien à son aise ; puis laissa le résidu aus dicts religieulx du mont Sinay, et print congié d'eulx pour s'en aller à la Noire Montaigne.

^J^ Comment ledict Gargantua fut au bout des nuées, où sont les grans geans.

PRÈS que le dict Gargantua se fut party du mont Sinay et qu'il eut prins congié des religieulx qui y estoient, il s'en alla vers la Montaigne Noire, où sont les dixsept grans geans , lesquelz de jour en jour attendent

l'esgout des nues et hument toutes les eaues, car sans eulx tous les mondains seroient noyez. Lors se approcha Gargantua d'eulx et les contempla bien longuement , car il estoit tout esbahy de les veoir ainsi tous dixsept accouldez sur le hault de la montaigne , laquelle a plus de troys cens cinquante lieues de hault, et là sont attachez les boutz de toutes les goustieres des nues. A Theure que la déesse Yris a tendu son arc au ciel , quant les nues boyvent en la mer, puys quant elles sont bien pleines , ces dessus dictz geans , qui ont la gueulle bée, hument quasi tout, et le démon, tant qu'ilz n*ont loisir de humer„ tombe sur nous ; et croyez que c^est ki pluye que nous voyons ; et bien souvent , quant il ne pleut point en cest pays, c'est quant les dictz geans ont grant soif, car ilz boivent tout. Le dtct Gargantua vit une place vuyde auprès d'eulx , et se y mist en leur faisant honneur et révérence. Lors lesditz geans luy firent grant racueil en considérant en eulx mesmes que le roy Juppiter leur envoyoit ung compaignon:

mais» tandis qu'ilz se inclinèrent à saluer ledict Gargantua^ le bout des nues, qui sont en façon de tétines plus grosses beaucoup que n'est la tour de Babillonne, leur eschappa, iors se gasu tant d'eaue qu'il en fut ung grant déluge par toute la terre des Indes et la terre de prestre Jehan ; mais incontinent ilz retournèrent à leurs places. Adoncques le gentil Gargantua fist ainsi que les aultres par l'espace de neuf ou dix moys.

Lqj:3 le bon prophète Merlin le vint quérir, car il congnoissoit bien la nature des choses; puis Gargantua print congié d'eulx et print sa massue à son col , car Merlin luy dist que le roy Oberon envoyeroit de brief ung grant gean nommé Gallimassue au pays de Gaulle, pour le deffaire, lequel estoit filz d*ung grant gean nommé Alliver-Gaule , et de Hizangrine la geande. Après que Merlin luy eut tout racompté, il fist venir une grosse nuée toute noire, laquelle les porta tout du premier vol jusques es montaignes des haultes Auvergnes , entre Sauvoye et les Allemaignes, et là print envye de pisser au gentil capitaine Gargantua, lequel pissa trois moys tous entiers sept jours treze heures trois quars et deux minutes, et là engendra le fleuve du Rosne, et plus de sept cens navires et bastcaulx pour le peupler, et pissa si tresroydement ledict capitaine Gargantua que oncques depuis ne cessa le fleuve du Rosne de courir si tresim- ' petueusement qu'il semble , à le veoir aller, que ce soit ung carreau d'arbaleste. Adonc ledit Merlin luy dit : a Gargantua, je te laisse icy pour faire la bataille contre Gallimassue, laquelle sera fort dangeureuse ; mais tu en auras l'honneur, et, ce faict, te viendray quérir et te meneray en Faerie, où est le bon roy Artus avecques sa seur Morgain , Ogier le dannoys et Huon de Bordeaulx, au chasteau d'Avallon, où ilz font tous grant chiere. »

Il Comment Gallimassue fut né, et desmerveiU Ieuxfaict!jf qu'il fist en sa jeunesse, et aussi comment il fut amoureulx de la belle Gribouille.

R nous dit rhystoire que Hizangrine fut enceincte, dont son mary Âllivergault fut bien aise et fort joyeulx, et, quant elle Teut porté le terme acoustumé, elle le délivra , et non pas sans grant peine et travail, car vous debvez sçavoir que, quand il fut né, il avoit bien trois toises et demye de haulteur, et, quant son père Âllivergault le vit, il fut fort joyeulx d'avoir ung si bel enfant et voulut qu'il eust à nom Gallimassue , pource que le roy Oberon luy avoit ainsi commandé. Vous devez sçavoir et entendre que le petit enfant Gallimassue , ung peu après qu'il fut né, commença à crier si treshault, pource qu'il demandoit le tetin, que on l'eust bien entendu de sept lieues françoises; mais tout incontinent, pour le ' rappaiser, sa mère Hizangrine luy bailla une de ses mammelles, laquelle estoit fort pleine de laict, car pour tout vray à chascune de ses mammelles il y pouvoit bien avoir sept queues de laict; parquoy il ne fault pas demander si Gallimassue avoit taulte d'une bonne nourrisse ; car elle print si grant plaisir à le nourrir que en peu de temps il

creut et amenda merveilleusement : car, quant il fut en Tage de sept ans , il avoit bien soixante et quinze toises de haulteur et demye pour le moins; il estoit fort récréatif et plaisant; son esbatement auquel il prenoit voulentiers plaisir, c'estoit à tirer de Tare. Le boys de quoy estoyt faict son arc n'estoit pas plus gros que Tarbre du pressouer de maistre Nicolle Hersant, et la corde estoit d'ung gros chable de navire, aussi long comme la corde du puys de Torfour. Les fiesches estoient grosses comme une poultre de planchier. Il alloit voulentiers chasser au boys, et si ne revenoit jamais de la chasse quil n'apportast pour le moins trois ou quatre cens bestes sur son col. Et debvez sçavoir que en iceluy temps vindrent nouvelles à Gallimassuè que il y avoit en la tour de Babillonne la plus grande et la plus belle geande qui fust au monde ; et quant il ouyt parler de la grant beaulté de la geande, il en fut incontinent si tresamoureulx qu'il n'en povoit ne boire ne menger. Geste geande dequoy je vous parle s'appelloit Gribouille, laquelle avoyt avec elle ung grant gean qui la gardoyt , lequel se appelloit Frappe saulce , et la gardoyt le dict Frappe saulce de par le grant gean nommé le Gallaffre deBaudas; mais, tout incontinent qu'il en eut les nouvelles, il se délibéra de partir pour aller à la tour de Babillonne pour conquester la dicte Gribouille qui y estoit, dont il estoit amoureulx.

^Comment Gallimassue partit pour aller à la tour de Babillonne, de laquelle iljecta Frappe Saulce pardessus les murailles, et puis cort" quist la belle Gribouille, sa bonne amye.

CY nous dict le compte q[Uc Gallimassue fut en grant fantasie pour les nouvelles qu'il avoit ouy dire de la belle Gribouille samye, car il se délibéra de partir pour aller à la tour de Babilionne , et jura par sainct Troubaise qu'il ne cesseroit jamais tant qu'il Teust conquise et qu'il eust mis à mort Frappe saulce et son maistre le grant gean Gallaffre de Baudas. Or chemina tant le dict Gallimassue par boys et par les forestz et desertz, sans trouver nulle adventure , qu'il se trouva près de ladicte tour de Babilionne. Toutesfois il y avoit entre luy et la tour ung grant bras de mer à passer, lequel contenoit bien sept grans lieues et demye de largeur ; et si n*y avoit point de basteau pour passer, dont il fut fort marry, puis , quant il vit qu'il ne povoit trouver aultre remède pour passer, il se reculla ung bien peu en arrière et print son escousse si bien qu'il saulta tout oultre la mer à joinctz piedz. Et quant il fut auprès de la tour, il advisa que la porte estoit fermée et les pontz levez ; pour ce frappa à la porte pour sçavoir s'il y avoit personne; mais, à l'heure qu'il

— lOl —

frappoit, Frappe saulce dormoit, et du grant coup qu'il avoit donné Frappe saulce tressaillit bien trente piedz en Tair de la grand paour qu'il eut, puis tout incontinent vint à la porte pour veoir qui estoit çeluy qui si fort avoit frappé , et en regardant de là le pont il advisa Gallimassue qui se reposoit sur le hault d'une grand montaigne qui est assez près de la tour*, et quant il le vit , il luy dist : a Grant pautonnier, je m'esbahis qui t'a faict si hardy de venir ainsi frapper contre les portes de ceste tour, car il semble , à te veoir, que tu veuUes tout rompre. Dy moy que c'est que tu demandes et qui te faict icy venir? » Âdonc luy respondit Gallimassue et luy dist : c Mon amy, je te prie qu'il te plaise de me ouvrir la porte, car je veulx ung peu parler à une jeune damoiselle qu'on m'a dit estre céans. » Quant Frappe saulce l'entendit ainsi parler, a peu qu'il ne saillit hors du sens ; et luy a dit en ceste manière : « Grant villain , cuyde ta ainsi parler à ma damoiselle ? Saiches que pour tout le vaillant au roy Artus je ne te laiseroye entrer. » Et quant Gallimassue vit qu'il n'y povoit entrer par amour, il en eut merveilleusement grant despit, car tout soubdain mist l'une de ses mains sur le feste de la dicte tour de Babillonne et se lança dedans tout d'ung coup, dont Frappe saulce fut bien esbahy de veoir ung si merveilleux sault Puis print une grande massue qu'il avoit auprès de luy, de laquelle il cuyda tuer le dîct Gallimassue. Mais, quant il vit venir

le coup, il roist la main au devant et luy arracha ladicte massue hors des mains ; et puis le pxint par le collet et le jecta par dessus les murailles si tresrudement qu'il alla tomber à dixsept grans lieues de là , et tomba si adroict qu'il se trouva dedans la ville de Papeligosse , où Gailafifre se tenoit pour ce temps là ; et à Theure qu'il tomba le dict Gallaffre se promenoit en sa court avecques ses barons et gentilz hommes y lequel fut fort esbahy quant il vit Frappe saulce si soubdain devant luy, car il ne sçavoit dont il estoit venu. Toutesfois le dict Frappe saulce ne s'estoit point faict de mal, à cause qu'il estoit tombé sur ses piedz; et tout incontinent qu'il vit son maistre Gallaffre , il luy dist en cesre manière : « Monsieur, sachez qu'il est aujourd'huy Venu en vostre tour de Babillonne ung grant gean, le plus nompareil qui fut jamais au monde, si ce n'est Gargantua, dont tant avons ouy parler, car il est plus grant deux foys que vous n'estes. Et pour ce que je ne Pay pas voulu laisser entrer dedans pour parler à vostre amye Gribouille , il est saulté tout d'img plain sault jusques dedans la tour, là où j'estoye , et incontinent et tout soubdain m'a prins par le collet et m'a jecté si rudement que je suis tombé jusques icy en vostre présence. [Et croyez certainement et pour vray qu'il emmènera vostre bonne amye Gribouille, si bientost n'y remédiez. » Lors, quant Gallaffre l'entendit , a bien peu qu'il ne saillit hors du sens , car il rougissoit de mai

— io3 —

talent et grinchoit les dentz comme faict ung homme enragé, et puis jura et maulgrea Jupin et Taluagant qu'il ne cesseroit jamais jusques à ce qu'il eust mis à mort le dict gean, et qu'il eust avecques lu y samye Gribouille.

fL Comment Gallimassue parla à la belle Gribouille, et comment il tud le grant Gallaffre,

ous debvez sçavoir que,, quant Gallimassue eust jecié Frappe saulce par dessus les murs de la tour de Babillonne, incontinent il s'en entra dedans la tour, où il trouva la belle Gribouille accompaignée de la Péronnelle et de frère Philbert, de quoy Ton parle tant en France. Et quant la dicte Gribouille apperceut le dict Gallimassue, elle eut merveilleusement grant paour et s'en voulut fuyr; mais Gallimassue Tempoigna par les bras et Tarresta en luy disant : « Belle, n'ayez point paour de moy, car croyez que je seroye bien marry de vous faire nul desplaisir. » Adonc, quant Gribouille l'entendit parler ainsi gracieusement, elle se rasseura ung peu. Puys le dict Gallimassue la fist seoir auprès de luy et luy commença à parler de plusieurs choses amoureuses, ausquelles elle print si grant plaisir, que du tout elle mist son amour en luy si fort que jamais ne

l'en sceut oster. Et ainsi qu'ilz parloient ensemble , Gallaffre arriva ù la porte , lequel frappa si fort qu'il fist trembler toute la tour; mais, quant Gallimassue Tentendit, il saillit dehors à tout ung gros arbre de pressouer sur son col, puis luy dist en ceste sorte : « Qui es tu ? que demandes tu céans ?» Et Gallaffre luy respondit : se Je demande ta vie , et ne veulx aultre chose. » Lors le dict Gallimassue, quant il entendit ainsi parler, il luy dist qu'il la luy conyiendroit achepter devant. Adonc Gallaffre leva contremont une grosse poultre qu'il portoit , de laquelle il cuyda donner sur la teste de Gallimassue ; mais quant il veit venir le coup , il mist son arbre de pressouer audevant et rencontra la poultre de Gallaffre si rudement qu'il la fist voiler bien xxv lieues loing; et puis empoigna ledict Gallaffre et le mist en sa gibecière pour soy soupper; puis, ce faict, s'en revint vers la belle Gribouille , laquelle fut fort joyeuse de la victoire qu'il avoit eue contre Gallaffre, car, de la grant joye qu'elle en avoit, on Teust bien entendue rire de dixsept lieues loing. Puis, incontinent elle appresta le soupper, où ilz firent grant chère; et tira ledict Gallimassue Gallaffre hors de sa gibecière , lequel il couppa en deux pièces , et puis prit du sel et le mengea tout en II morceaulx. Ce temps pendant que Gallimassue estoit en la tour dé Babillonne avecques samye Gribouille, nouvelles luy vindrent que son père Allivergault et Hiz^ngrine sa mère estoient mortz de desplaisance de luy, pour ce

— io5 —

qu'ilz pensoient qu'il fust mort; et quant il le sceut au vray, du grant dueii qu4l eust il tomba tout pasmé ung si grant coup qu'il ruist et abbatit bien la moyctié de ladicte tour de Babilonne. Alors sa mye Gribouille pen*oit qu'il fut mort, dont elle démena ung grant et merveilleux dueil, car, pour le faire revenir de pasmaison, elle luy j€cta bien environ trente cinq queues de vinaigre sur le visaige.

^ Comment le roy Oberon vint à la tour de Babilonne, lequel commanda à Gallimassue qu'il s*enpartist pour aller au pays de Gaulle pour combattre contre le grant gean Cargantua,

ous dçbvez savoir que, ce temp^ pendant que Gallimassue estoit ainsi esvanouy, le roy Oberon en- ^ra soubdainement ^n la tour et [print Gallimassue par la main, auquel il dist : «Ne te desconforte point ainsi de la mort de ton père ne de ta mère , car il a pieu à Dieu de les emmener. »» Lors, quant GaUimassuç entendit ainsi parler le roy Oberon, il fut fort esbahy que povoit estre ce peut homme qui estoit venu ainsi soubdain, et luy dist en ceste sorte : « Je te prie, dy moy qui tu es qui es entré si soubdainement en ceste tour. » Et il luy ren-

— io6 —

dit : « Je suis le roy Oberon , dequoy tu fiiz engendré. » Alors Gallimassue se mist à genoulx devant luy en le remerciant du bon reconfort qu'il luy avoit donné ; mais le roy Oberon le leva par la main en luy disant : « Gallimassue, je suis venu icy pour te avertir d*ung voyage qu'il fault que tu fasse au pays de Gaulle pour destruyre ung grant gean le plus fort et le plus, maulvais qui fut jamais au monde, lequel se nomme Gargantua, filz de Grant Gosier et de Gallemelle , qui a faict plusieurs maulx au pays de France, tant en Beaulce comme en Champaigne , et aussi a faict de la fascherie beaucoup à ceulx de Paris quant il leur a despendu leurs grosses cloches. Mais la bataille sera fort périlleuse entre vous deux, car il est si subtil que c'est raige. » Et quant Gallimassue entendit qu'il failloit qu'il allast au pays de France pour batailler contre Gargantua , il en fut fort joyeulx : car il ne demandoit aultre chose que à faire faictz d'armes; et se délibéra de partir incontinent; puis print congié du roy Oberon et de samye Gribouille, laquelle démena si grant dueil que des larmes qui luy tombèrent des yeulx s'engendra une grosse rivière , laquelle portoit les basteaulx aussi gros comme faict la rivière de Seyne. Toutesfoys le roy Oberon la reconforta tellement qu'il la rappaisa et mist tout le logis en asseurance.

Il Comment Gallimassue, en allant en France, rencontra Hercules et Jason qui alloyent conquester la toison d*or, lesquels il mist tous deux en une besasse.

'histoire nous dict icy endroict que ledict Gallimassue chemina tant qu'il se trouva au Royaulme de Grèce, et en passant parmy une grande forest nommée TEstroict Passa ige, il rencontra Hercules et Jason qui s'en alloient pour conquester la toyson d'or; et incontinent qu'il les advisa , il vint vers eulx pour leur demander son chemin. Mais Hercules, qui estoyt fier comnïe ung lyon, luy respondit qu'il le allast cherchier, et leva sa massue pour luy en cuyder donner sur la teste; mais Gallimassue mist la main au devant et luy arracha hors des mains , et puis le print par le collet et le mist dedans une besasse qu'il portoit. Lors , quant Jason vit qu'il emportoit son compaignon, il le cuyda recouvrer; mais ce fut folye à luy, car Gallimassue le print et le mist à l'autre costé de sa besasse , puys jura sainct Troubaise qu'il les mengeroit tous deux à son soupper, laquelle chose il eust faicte se Dieu ne leur eust aydé ; mais il estoit tant las , à cause du travail qu'il avoit prins à cheminer, qu'il luy fascha de tant porter ceste besasse , etjla print par grant despit

— io8 —

puys la jecta si loing en Tair qu'elle a tombé à plus de trente sept lieues de là , et tomba ladicte besasse tout droit dedans le jardin où estoit la belle Medée ; et tout aussi tost que la belle Medée veit la besasse , elle vint veoir que c'estoyt , et le premier qu'elle tira hors , ce fut Jason, lequel elle trouva si beau à son plaisir qu'elle luy donna son amour, qui fut la cause pourquoy il conquist la toison dor.

Comment Gallimassue arriva à Naples, où it trouva Gargantua qui y estoit arrivé le jour précèdent, et de la grant bataille quHl^ eurent ensemble^ et comment les Raves sont venues au pe^ys de Lymousin et de Savoye , et puis à Haubervilliers près la Court Neu/ve.

R chemina tant Gallimassue, après qu'il fut deschargé de sa besasse , qu'il arriva à Naples ; et quant les gens du pays le veirent , ilz eurent grant paour, car il pensoient que ce fut Garga^ntua, duquel il avoient tant ouy parler; mais il leur dist : • Enfans n'ayez point de paour demoy, car je ne vous vueil mal faire, car je suis venu icy pour destruyre Gargantua , lequel vous doibt tant faire de mal* Pour ce je vous prie de me enseigner où il est de présent. » Lors les Neapolitains luy dirent qu'il estoit allé le matin en ung villaige à deux petites lieues de

là , dont , quant il le sceut , il en fut fort joyeulx» car il pensoit bien en luy mesmes qu'il en viendroit aussi bien au dessus qu'il avoit faict de Hercules et de Jason. Puis s'en alla au villaige et porta quant et luy ung gros arbre de pressouer; mais il n'eust gueres cheminé qu'il rencontra Gargantua, lequel venoit de chasser et emportoit bien trentesept cerfz sur son col, sans les biches» et porcz sangliers. Lors, quant Gallimassue le veit , il le congneut bien aux enseignes que luy avoient dict les bonnes gens, et incontinent s'approcha de luy en luy disant : « Hà ! faulx ribault, tu n'as pas payé ta marchandise que tu emportes , mais l'as desrobée à ces larrons espaignolz.» Lors, quant Gargantua l'entendit, il se deschergea de la charge qu'il portoit, et vint contre Gallimassue en luy disant : « Traistre , qui t'a ftiict si hardy de me appeller larron? Je te promectz que tu t'amenderas. » Ce oyant, Gallimassue print son arbre de pressouer, lequel il avoit pendu à sa ceincture, et en cuyda donner sur la teste de Gargantua. Mais ledict Gargantua', qui estoit rusé de la guerre , s'en donna bien de garde : car, quant il veit venir le coup, il mist seuUement l'une de ses mains au devant et luy arracha des poings maulgré quil en eust; et puis le jecta si rudement en l'air qu'il alla tomber dedans le lac de Genefve, parquoy fut force à Gallimassue, quant il fut despourveu de baston ^ de se deffendre des grosses raves qui croissoyent en ce temps là au Royaulme de Naples„

— no —

car il n'y avoil point d'arbres en tout le pays ni de pierres aussi; mais les raves y croissoient aussi grosses que est une pippe d'Anjou, et y croissoyent en si grande habondance qu'il ny avoit quasi aultre fruyct en tout le pays de Naples. Et combatirent tant les deux champions Tung contre Tautre à tout ces grosses raves , et les jectoyent à si grosse habondance et si rudement qullz alloient tomber jusques au pays de Lymosin; et saichez qu'il y en tomba tant que oncques depuis le pays ne peut estre desgarny. La bataille des grosses raves dura si longuement qu'ilz furent tant las que plus n*en povoyent , et ne jectoyent plus lesdites raves si loing qu*ilz avoyent accoustumez , car il en tomba lors une grant partie au pays de Savoy e , et en est ledict pays de Savoye fort bien peuplé encores de présent, et en tiennent les Savoisiens fort grant compte , car c'est ung fruict qu'ilz ayment bien. La bataille dura si longuement que la nuict les surprint. Lors ledit Gallimassue demanda très- ^res audict Gargantua jusques au lendemain, lesquelles luy furent accordées par ledict Gargantua, par ainsi qu'il se trouveroit le. lendemain à la place où ilz avoyent combatu ; mais Gallimassue ne s'i trouva pas ainsi comme il avoit promis , car il s'en alla toute la nuict au royaulme des Bedoins pour lever une grosse armée pour cuyder destruire Gargantua.

%£ Comment Gargantua courut après Gallimassue qui s'en estoit fuy, et comment, en passant par la Champaigne, il trouva encores les boys que sa grant jument avoit abbatu^ , lesquels il porta à Paris , et comment il emporta toutes les vignes de Normandie.

ous avez bien ouy comment la bataille fut grande entre Gargantua et Gallimassue, lequel luy avoit promis de se trouver le landemain aux champs pour recommencer la bataille; mais il n'en fîst rien, car il s'en alla toute nuyct au royaulme des Bedoyns, là où il fist une grosse armée de bien quatre cens mille Bedoins pour cuyder mettre à mort le bon capitaine Gargantua ; mais il déchet beaucoup de ce que fol pense , comme vous oirez cy après. Le dict Gargantua fut fort marry quant il sceut que Gallimassue s*en estoit ainsi enfiiy, car il jura lors par sainct Troubaise qu'il ne cesseroit jamais tant quMl Teust trouvé et mis à mort; dont incontinent se partit et print son chemin droict au pays de France , car les bonnes gens luy dirent qu'il s'estoit retiré vers ceulx de la ville de Troys en Champaigne. Adonc il chemina tant qu'il passa à Millan , puis vint jusques en Piemont ; et , luy voyant les grandes montaignes de Daulphiné et de Sauvoye, il pensa que ce fussent

boullevertz que Gallimassue eust faict de paour qu'il ne le print d'assault , et tout soubdain il print son escousse et saidta ung si merveilieulx sault qu*il saulta jusques sur les moustardiers de Dijon. Et incontinent qu'il fut à Dijon, il demanda aux bonnes gens du pays se ilz avoyent point veu Gallimassue , lesquelz luy dirent qu^il estoit parti environ quinze jours avant de Troys en Champaigne, et qu'il y avoit mis le feu à son partir : de quoy la ville fut toute bruslée ; et emportoit quant et luy la grosse cloche de Sainct Pierre , et s'en cUloit en Normandie pour amener une grosse armée de Bedoins, lesquelz il amena avecques luy, lesquelz avoient grand paour, car ilz ne scavoient pas qu'il leur vouloit faire. Puis, incontinent que son armée fut assemblée, il print son chemin, et chemina tant qu'il se trouva au pays de Champaigne tout au dessus des forestz abbasluz. Quoy oyant, ledict Gargantua se part de Dijon et s'en vient jusques en Champaigne po^r cuyder trouver Gallimassue; mais il s'estoit retiré arrière du chemin. Lors , quant ledict Gargantua vit encores les boys que sa grant jument avoit abhatuz , il en fut tout esbahy, car il avoit ouy dire qu'on n'en povoit finer à Paris; parquoy il se pensa en luy mesmes qu'il leur en porteroit; et incontinent il assembla tout ensemble et en fist ung fagot, et le chargea sur son col, puis le porta à Paris et en fît ung présent à Messieurs de la Ville, dofit ilz le remercièrent ; et le voulurent mener à la Ville pour luy faire grant

— ii3 —

chère, mais il leur dit qu*il n'avoitpas loisir de y demeurer pour Theure , car il avoit faict serment qu'il ne cesseroit jamais tant qu'il eust trouvé Gallimassue; et incontinent partit et s'en alladroict à Rouen. Et quant ses frères le virent, ilz pensoient que ce fùstGallimassue qui revint encores quérir des gens d*armes , car ilz vindrent tous au devant de luy pour luy faire feste, car ilz aymoyent bien Gallimassue, pource qu'il leur avoit aidé à tuer les Parisiens à la journée d'Orival, quant ilz voulurent destourner la rivière de Seine. Mais qui fut bien esbahy, ce furent les Normans quant ilz sceurent que c'estoit Gargantua qui estoit venu pour mettre à mort Gallimassue , et en furent bien marryz, car ilz le aymoyent bien. Toutesfois ilz n'en osèrent monstrer le semblant de la grant paour qu'ilz avoyent dudict Gargantua ; et pour autant que ledict Gargantua avoyt fort cheminé ce jour là, il avoit grant soif, car il pria les Normans de luy donner à boire , lesquelz luy apportèrent de la bière , dont il eut si grant despit qu'il jura sainct Troubaise qu'il s'en vengeroit ; ce quil fist , car tout incontinent il s'en partit et arracha toutes les vignes du pays de Normandie, et n'y en laissa pas ung bourgeon qu'il n'emportast tout tellement qu'il ny croist plus que citre. Lors , quant le dict Gargantua eut ce faict , il chemina tant qu'il se trouva à Orléans , où tout le monde luy fist grant chère pource qu'ilz sçavoient bien qu'il estoit venu pour mettre à mort Gallimassue; puis, quant il

veit qu'on luy avoit faict si grant chère à Orléans, pour les recompenser il leur donna une partie des vignes qu'il avoit apportez de Normandie, de quoy ilz le remercièrent voluntiers , et luy promirent secours et ayde-quant il en auroit affaire; et aussi luy monstrerent bien, car, quant son filz Pantagruel vint estudier à Orléans , ilz le traicterent honnestement. L'autre partie des dictes vignes , il les donna à ceulx de Beauvais et à ceulx de TAuxerroys, tellement que tous ces troys pays en sont bien peuplez et y croist de fort bons vins. Ce faict , incontinent qu'il eut ainsi arrachées toutes les vignes de Normandie , il s'en partit du pays sans ce que les Normans s'en apperceussent en aulculne sorte, car ilz n'estoient pas encores si caulx qui sont maintenant.

fL Comment Gargantua/ut à Chasteau Landon, là où il trouva Gallimassue avec son armée de Bedoins, lesquel!( il desconfit , et mist à mort leur capitaine Gallimassue,

E temps pendant que Gargantua estoit encores à Orléans en la Beausse, nouvelles luy vindrent que Gallimassue avec son armée de Bedoins avoient assiégé la ville de Chasteau Landon, où nul n'y passe quil n'ayt son lardon, qui est près de Montargis; lequel, incontinent qu'il le sceut, il print son chemin

-. ii5 -

tout droict audit Montargis; et quant cculx de Montargis sceurent sa venue , tous allèrent au devant de luy en luy présentant et offrant ayde et secours, car ilz sçavoient bien que c'estoyt luy qui avoyt mis le feu en leur ville. Mais Gargantua les remercia et leur dict qu'il ne vouUoit que personne se meslast de la bataille que luy tout seul; puis tout soubdainse délibéra de partir pour aller droict à Château Landon pour parfsiire sa bataille. Mais si tost que Gallimassue sceut que le vaillant Gargantua venoit contre luy, il mit ses gens en armes pour le cuyder surprendre, ausquelz il avoit baillé chascun une rave pour luy jecter contre le visaige , affin de luy oster la veue; mais ledict Gargantua ne chemina gueres qu'il ne trouva la grosse armée des Bedoins avec leur cappitaine Gallimassue. Et incontinent vous eussiez veuz les Bedoins de tous costez jecter leurs raves pour le cuyder aveugler; mais, quant il veit tout à ung coup, il bessa ung peu la teste > et les jectoyerit si rudement en Pair qu'ilz allèrent tomber jusques à Haubervilliers et à la Court Neufve près le lendit; et y en cheut tant que oncques puis le pays n'en fut deBgamy ; mais ilz nç sont pas si grosses que celles de Savoye ou de Lymosin. Ce faict, se misrent tous à Tentour de luy pour le cuyder surprendre. Lors, quant Gargantua les veit ainsi approcher près de luy, il empoigna de grosses roches qui estoyent parmy les champs et les ruoyt si impétueusement contre les Bedoins qu-il sembloit que ce fut pluye

— ii6 —

qui cheut du ciel. Et jecta tant de ces grosses roches Gargantua et si rudement qu*ilz alloyent tomber et rouller jusques au dessus de sainct Mathurin de Larchant et par tout es environs , tellement que tout le pays en est encores plein. La bataille dura si longuement que le dict Gargantua deffist bien troys cens mille Bedoins.

Et quant Gallimassue veit que tous ses gens estoient desconfitz, il s'en cuyda fuyr comme il avoit faict à l'autre foys ; mais Gargantua courut après et l'empoigna par le collet et le chargea dessus son col comme ung loup faict une brebis , aussi legiercment que vous feriez ung fagot de paille; puis se print à courir tant qu'il peult droict à Troys , pour en feiire ung présent aux Troyens pour les venger des maulx qu'il leur avoit faict d'avoir ainsi bouté le feu en leur ville* Et quant les Troyens le virent, ilz en furent bien joyeulx et prièrent Gargantua que son plaisir fust de le mettre à mort, laquelle chose il fîst pour accomplir leur voulenté , car il print Gallimassue par les jambes et en donna si grant coup de la teste contre ung grant chasteau qui estoit à troys lieues hors la ville du costé des Bourguygnons, qu'il le tua et abatit une grant partie du chasteau quant et quant. Et ainsi mourut le dict Gallimassue par les mains du puissant Roy Gargantua , lequel le fîst enterrer auprès dudict chasteau , qui souloit estre ung fort beau lieu et plaisant. Mais, depuis que Gallimassue y fut enterré , il n'y eut personne qui osaçt demourer

dedans , car Tesperit de Gallimassue y revient toutes les nuictz , lequel y faict ung men'eilleux bruyt, tellement qu'il semble à aulcuns que ce soyent les dyables qui sont au chasteau ; mais vous pouvez sçavoir pour tout vray que ce n'est aultre chose que Tesperit de Gallimassue qui revient.

Je vous eusse dict plus avant des faictz de Gargantua; mais, cela faict, Merlin, qui bien sçavoit comment il avoit besongne, le vint quérir et le transporta en Faerie, où estoit jà allé le bon Roy Artus avec sa seur Morgain , Ogier le Dannois et Huon de Bordeauk, où ilz vivent encores et font grant chère au chasteau d'Avallon. Et sur ce point je m'en voys boyre.

Grans et petis^ lisez bien cette hystoire.

Je vous requiers et en faictes mémoire, Racomptant tous les faictz de Gargantua A tout jamais, lequel les payens tua.

Vous ny verrez mot qui ne soit pour rire.

Lecteurs, lisez bien, on vous escoutera.

Tenez ce faict mensonge sans mal dire.

Or, mes bons amys, ce seroyt trop longue chose pour vous racompter toute sa vie en ce petit volume, car elle est si tresgrande et tresfructueuse que on n'en sçauroyt trouver la fin. Pour ce , mesdictz Seigneurs , il vous plaira de prendre en gré ce petit que j*ay peu traire en françoys d'avec le grec et latin. Pour ce excusez moy ce le langaige est trop rude ou trop rural.

— ii8 —

car je Tay extraict au mieulx que j'ay peu faire et congnoistre de sa vie et légende selon la vraye vérité.

Cyfinent les Cronicques admirables du puissant Roy Gargantua.