RONDEAU
Roy tresredoubté, vaillant et saige, Vostre Rondeau ay leu honnestement. Lequel est faict bien amoureusement ; Mais trop doubte vostre personnaige.
Car de par vous auroys deffinement.
Je le vous dis à peu de iangaige,
Roy tresredoubté.
Pource donc querez aultre avantaige.
De vous aymer ne seroys seurement; Parquoy donc je vous dis treshumblement :
Adieu le plus grant que vis en mon aage,
Roy tresredoubté.
Quoy voyant le dict Gargantua que aultrement ne povoit finer de ladicte dame , il s'en vint à Merlin, et luy dist : a Mon bon mastre, j*ai délibéré de m'en aller jouer ung tour jusques en Utopie, car on m*a dit que le roy du pays a une fort belle fille, laquelle je veulx avoir en mariage s'il est possible, car les femmes de ce pays me craignent trop. Pour ce je vous prie de me faire avoir congé du roy, et luy dictes que, incontinent que seray marié, je le viendray veoir et servir, se de moy a affaire. » Ce que fist ledict Merlin, car le roy Artusluy accorda voulentiers. Ce faict, ledict Gargantua print congié d'eulx et s'en alla droict au royauline de Utopie, auquel il fut honorablement receu du roy et de toute sa court, pource qu'il es toit ainsi bien en ordre. Puis dist ledit Gargantua : « Sire, je suis venu pardeça pource qu'on m'a dit que avez une fille à marier; pource regardez se c'est vostre plaisir me la donner; car, se ainsi le faictes, je vousasseure que jamais homme n'entreprendra contre vous, et seront tous voz royaulmes en bonne paix. » Ce oyant, ledit roy manda quérir sa fille, laquelle il luy donna voulentiers, et furent faictes les nopces le jour sainct Vigour, où il y avoit plusieurs barons et gentilz hommes du pays; et si trouva Merlin, car il sçavoit bienquelemariaige se feroit, dont Gargantua fut bien ayse; aussi fut le roy, car il le desiroit fort à veoir. Puis, après la feste passée, ledit Gargantua coucha avecques sa femme, nommée Badebec, et en elle
engendra ung filz nommé Pantagruel, lequel fut si grant et si gros qu'elle en mourut, comme vous orrez cy après.
Il -De la nativité de Pantagruel^ fil:ç de Gargantua.
ARGANTUA engendra son filz Pantagruel de sa femme nommée Badebec, fille du roy des Amaurottes, en Utopie, laquelle mourut de mal d'enfant, car il estoit si grand et si lourd qu'il ne peult venir à lumière sans ainsi suffoquer sa mère. Mais, pour entendre pleinement la cause et raison de son nom qu'il luy fut baillé en baptesme, vous notterez que en celle année il y avoit une si grande seicheresse en tout le pays d'Afirique, pour ce qu'il y avoit passé plus de XXXVII moys sans pluye, avec chaleur de soleil si véhémente que toute la terre en estoit aride, et ne fut point au temps de Helye plus eschauffée qu'elle fut pour lors, car il n'y avoit arbre sur terre qui eust ny fueille ny fleur ; les herbes estoyent sans verdeur, les rivières tariez, les fontaines à sec, les poissons délaissez de leurs propres elemens vagans et crians par la terre horriblement ; les oyseaulx tomboient de Fair par faulte de rosée ; les loups, les regnardz, cerfz, sangliers, dains, liepvres, connins, bellcttes, foynes et aultres
bestes, Ton trouvoit par les champs mortes la gueulle baye. Et au regard des hommes c'estoit la grand pitié, car vous les eussiez veuz tirer la langue comme font liepvriers qui ont couru ou chassé sept heures; plusieurs se jectoyent dedans le puys; les aultres se mettoyent au ventre d'une vache pour estre à Tombre, et les appelle Homère Alibantes; c*estoit pitoyable cas de veoir le travail des humains pour se guarantir de ceste treshorificque altération, car il y avoit beaucoup affaire à saulver Teaue benoiste parles églises qu'elle ne fust desconfite, mais l'on y donna tel ordre, par le conseil de messieurs les cardinaulx et du Sainct Père, que nul n'en osoit prendre que une venue; encores; quant quelqung entroit en l'église, vous en eussiez veu à quarterons de paouvres altérez, qui venoient au derrière de celuy qui avoit la charge de la distribuer à quelqung, la gueulle ouverte, pour en avoir quelque petite goutelette, comme le maulvais riche, afiîn que rien ne se perdit. O que bien heureulx fut celuy qui en ceste année eut cave firesche et bien garnye ! Le philozophe racompte, en mouvant la question, pourquoy c'est que l'eaue de la mer est sallée : c'est que, au temps que Phebus bailla le gouvernement de son chariot lucifique à son filz Phaeton, ledict Phaeion, mal aprins en Tart, et ne sçavant ensuyvre la ligne ecliplicque entre les deux tropicques de la sphère du soleil, varia de son chemin, car tant approcha de la
terre qu'il mist à sec toutes les contrées subjaceotes^ bruslant une grant partie du ciel, que les philosophes appellent via lactea^ et les lififrelophesle nomment le chemin sainct Jacques. Adonc la terre fut tant eschauffée que il luy vint une sueur énorme dont elle sua toute la mer, qui par ce est sallée, car toute sueur est sallée, ce que direz estre vray si vous voulez taster de la vostre propre. Quasi pareil cas arriva en ceste dicte année : car, un jour de vendredy que tout le monde s*estoit mis en dévotion, et faisoit une belle procession avecques forces letanies, .supplians à Dieu omnipotent les vouloir regarder de son œil de pitié et clémence en tel desconfort, visiblement fut veu sortir de la terre grosses gouttes d'eaue, comme quant quelque personne sue copieusement, dont le povre peuple se commença fort à esjouyr, comme si ce eust esté chose à eulxprouâitable,car lesaulcunsdisoyent que de humeur il n*y en avoyt point en Tair dont esperast avoir de pluye, et que la terre supplioit au deffault. Les aultres gens sçavans disoyent que c'estoit pluye des Antipodes, comme Senecque narre au quart livre nommé Questionum naturalium^ parlant de l'origine et source du fleuve du Nil, lequel sort de paradis terrestre. Mais ilz y furent trompez, car, la procession fînée, alors, que chacun vouloit recueillir de ceste rosée et en boire à plain godet, trouvèrent que ce n'estoit que saulmure pire et plus salée que n'est l'eaue de la mer. Et pource que
en ce propre jour nasquit le dit Pantagruel, son père Gargantua luy imposa tel nom : car panta en grec vault autant à dire comme tout, et gruel en langue hagarene vault autant comme altéré, voulant inférer que, à l'heure de sa nativité, le monde estoit tout altéré, et voyant en esperit de prophétie qu'il seroit quelque jour dominateur des altérez, ce que bien luy fut montré à celle heure mesmes par aultre signe plus evidant :
car, alors que sa mère Badebec Tenfantoit et que les saiges femmes attendoient pour le recepvoir, yssirent premier de son ventre soixante et sept tregeniers, chascun tirant par le licol ung mulet tout chargé de sel, après lesquels sortirent neuf dromadaires tous chargez de jambons et langues de bœuf fumées ; sept chameauk tous chargez d'andouilles de Millan et de saulcisses ; puis vingt sept charrettes toutes chargez de pourceaulx, d'aulx, d'oygnons et de cibotz : ce qui espoventa bien lesdites saiges femmes ; mais les aulcunes d'entre elles disoient : « Voicy bonne provision; cecy n'est que bon signe : ce sont tous aguillons de vin. » Et comme elles caquetoient de ces menuz propos entre elles, voicy sortir Pantagruel tout velu comme ung ours, dont dit une d'elles en esperit propheticque : « Il est né à tout le poil, il fera choses merveilleuses ; et croyez de vray que, s'il vit, il aura de l'aage. >»
Du dueil que mena Gargantua de la mort de sa femme la belle Badebec.
UANT Pantagruel fut né, qui fut bien esbahy et perplex, ce fut Gargantua son père : car, voyant d'ung costé sa femme Badebec morte, et de Tautre son filz Pantagruel né, tant beau et grant, il ne sçavoit que dire ny que faire; et le doubte quitroubloit son entendement estoit assavoir mon s'il debvoit pleurer pour le dueil de sa femme ou rire pour la joye de son filz, car d*ung costé et d'aultre il avoit d'argumens sophisticques qui le suffocquoient : car il les faisoit tresbien in modo et figura, mais il ne les povoit souldre ; et par ce moyen demouroit empestré comme ung millan prins au lasset :
« Pleureray je ? disoit il. Oui : car pourquoy ? Ma tant bonne femme est morte, qui estoit la plus joyeuse qui fust au monde ; jamais je ne la verray, jamais je n*en recouvreray une telle ; ce m'est une perte inestimable. O mon Dieu 1 que te avoys je faict pour ainsi me pugnir? Que ne m'envoyas tu la mort à moy premier que à elle? Car vivre sans elle ne m'est que languir. Ha ! Badebec, ma mignonne, m'amye, mon petit con (toutes-foys elle en avoit bien troys arpens et demy), matendrette, ma braguette, ma savatte, ma pantouffle, jamais je ne te verray. Ha I faulce mort,
— estant tu me es malivolle, tant tu me es oultrageuse, de me toUir celle à laquelle immortalité appartenoit de droict. » Et ce disant pleuroit comme une vache. Mais tout souldain ryoit comme ung veau quant son fîlz Pantagruel luy venoit en mémoire : « Ho, mon petit filz, disoit il, mon couillon, mon peton, que tu es joly ! et tant je suis tenu à Dieu de ce qu'il m*a donné ung si beau filz, tant joyeulx, tant ryant, tant joly. Hohohol que je suis aise; beuvons, ho! laissons toute merencolie. Apporte du meilleur, rince les verres, bouite la nappe, chasse les chiens, souffle ce feu, allume ceste chandelle, ferme ceste porte, tiens ma robbe, que je me mette en pourpoinct pour bien festoyer mes bonnes commères. » Et en ce disant il ouyt les prcbstres chantant Quando celi : parquoy apperceut que c'estoit sa feiçme que on portoit en terre; dont laissa son bon propos, car tout soubdain fut ravy ailleurs, disant : « Jésus, fault il que je me contriste encores ? cela me fasche, car le temps est dangereux, je pourray prendre quelque fiebvre, voy me Ja afFoUé. » Puys dist : « Par sainct Guenault, qui fut evesque de Corbueil, il vault myeulx pleurer moins et boyre davantaige.Mafemmeest morte: et bien, par Dieu, je ne la ressuciteray pas par mes pleurs; elle est bien, elle est en paradis pour le moins, se myeulx ne est ; elle prie Dieu pour nous ; elle est bien heureuse, car elle ne se soucye plus de noz misères et calamitez. Autant nous en pend à
l'œil. Dieugardle demourant; il me fault penser d'en trouver une aultre. Mais voicy ique vous ferez, distil es saiges femmes et matrones; allez vous en à Tenterrement d'elle, et ce pendant je berceray icy mon filz, car je me sens bien fort altéré, et seroys en grant dangier de tomber malade. Mais beuvez quelque peu devant, car vous vous en trouverez bien, et de ce in'en croyez, sur mon honneur. » A quoy obtempérant, allèrent à l'enterrement et funérailles; et le paouvre Gargantua demoura à Thostel pour berser son petit filz. Mais ce pendant il fist Tepitaphe, lequel il voulut estre engravé sur la tumbe de sa bonne femme Badebec, ainsi et en la manière qui s'ensuyt.
