CHAPITRE GLIV

Comment le duc de Bretaigne vînt à Paris, et pour quoy • Du département du duc de Bourgongne de Laigny sur Marne. Et de laprinse de messire Martelet du Mesnil et Ferry de Mailly.

Item, en ces propres jours, Jehan, duc de Bretaigne, ala à Paris pour traicter devers le Roy, que le duc de Bourgongne penstaler devers lui à toute sa puissance, laquelle chose il ne peut impétrer, et pour tant, en assez brief temps s'en retourna en Bretaigne. Mais , ains son département, se courrouça moult durement à messire Tannegui du Chastel , prévost de Paris , et lui dist plusieurs injures, pour ce qu'il avoit fait mectre en prison en Chastelet le Menistre des Maturins, docteur en théologie, lequel devant ledit Prévost et peuple de Paris avoit fait une proposicion de par le duc de Bourgongne.

Lequel duc de Bourgongne , après ce qu'il eut esté bien dix sepmaines en la ville de Laigni sur Marne, véant que par nul moien ne pouvoit impétrer devers le Roy et son conseil d'entrer dedens Paris , s'en retourna et s'en ala à Dampmartin et puis vers Reims , et de là , par Tiérace et Cambrésis vint en sa ville de Douay, et de là à Lisle. Et tousjours, ce temps durant, avoit très grant nombre de gens d'armes sur les champs, desquelz le povre peuple estoit fort oppressé. Toutes voies, à son département de Laigny fut poursuy par aucuns souldoiers du Roy, lesquelz vers le

pont de Vaire* priiidrent et occireiit de ses gens, dont grandement fut mal content. Et pour sa longue demeure en la ville de Laigny, les Parisiens et autres gouverneurs du Roy le nommoient communément' Jehan de Laigny. Et après, quant il fut retourné, comme dit est , en la ville de Lisle , ung peu de temps après s'en ala en Brabant visiter ses deux nepveux, c'estassavoir Jehan et Phelippe, filz au duc Anthoine de Brabant , et lors y mist ung commis qui gouverna toute la terre, et y constitua officiers, c'estassavoir, es contez de Ligny et de Saint-Pol et toutes les autres appartenances qui furent jadis au conte Waleran de Saint-Pol, ayeul des dessusdiz enfans. Et de là retourna en Flandres , et ordonna au seigneur de Fosseux , capitaine de Picardie, à faire retraire tous ses capitaines et gens d'armes hors d'Artois et des mètes à l'environ.

Et pour ce que les aucuns traveilloient moult fort le pays du roy, le xxiv® jour de janvier, par nuit, Remonnet de La Guerre, le prévost de Compiengne et le seigneur de Bosqueaulx, gouverneur de Valois, par le commandement du Roy et de son conseil, assemblèrent secrètement grant nombre de gens d'armes, et se férirent ou logis messire Martelet du Mesnil et Ferry de Mailli , qui estoient logez ou pays de Santers en aucuns villages, à tout bien six cens hommes assemblez de plusieurs terres , faisans desrisions sur le plat pays. Lesquelz par les dessusdiz furent tous mis à l'espée, prins et destroussez , si non ceulx qui échap-