CHAPITRE CLV

Comment l'évesque d'Arras fît révoquer la sentence autrefois donnée contre maistre Jehan^Petit. Et de la venue de l'empereur de Alemagne à Paris, et des manières qu'il y tint.

En cest an, par la diligence de l'évesque d'Arras, docteur en théologie, nommé Martin Porée, et d'aucuns autres ambaxadeurs dudit de Bourgongne aians de lui procuracion, fut sentence prononcée au concile à Constance, dont la teneur s'ensuit ;

« Par le conseil des clercs de droit, par icelle nostre sentence ordinaire, laquelle nous affermons, en ces escrips prononçons et déclairons les procès, sentences et condemnations, arsins, défenses et exécucions faictes par l'évesque de Paris contre maistre Jehan Petit, et toutes choses qui de ce se sont ensuyes, estre de nulle valeur, et les adnuUons et cassons. La condemnacion des despens fais légitimement devant nous en ceste cause, nous les laissons à tauxer, et pour cause.