Le 2 février 4416 (N. S

Ainsy moi , Jourdain , évesque d'Âlbanen*, ainsi moi , Anthoine , cardinal d'Aquilée , ainsi moi , François , cardinal de Fleurence , le prononçons. » Lequel procès fut condamné en concile de Constance, le xv' jour de janvier, l'an mil quatre ceijs et quinze.

Ouquel temps vindrent à Paris deux chevaliers des gens Sigismont, empereur et roy d'Alemaigne, pour préparer son hostel et mectre pourveances , pour ce qu'il devoit venir audit lieu de Paris. Ausquelz deux chevaliers fut baillé, pour loger ledit seigneur, le chastel du Louvre. Et le jour du dimanche gras ensuivant* vint ledit Empereur à Paris , acompaigné de huit cens chevaucheurs ou environ. A l'encontre duquel alèrent le duc de Berry, le cardinal de Bar , le conte d'Armaignac, connestable de France, le chancelier, le prévost de Paris et des marchans, et les bourgeois et eschevins de ladicte ville en moult noble estât. Lequel roy par iceulx fut amené loger au Louvre. Et aucuns jours après fist exposer au Roy et à son conseil la cause de sa venue , c'estassavoir pour l'union de nostre sainte mère l'Église. Et après, il se ofTry moult au Roy à faire pour lui ce qu'il pourroit et pour son royaume. Et depuis y eut ung docteur en théologie, nommé maistre Girard Machet, qui devant lui proposa moult notablement de par le roy de France, dont il fut très content. Lequel roy alors estoit assez en bon point , et mangèrent moult de foiz ensemble. Et lendemain des Brandons' vindrent à Paris pour veoir ledit roy