CHAPITRE CXXl

Comment le Roy, à tout sa puissance, ala de Compiengne asséger la ville de Soissons , laquelle fut asségée et prinse d'assault.

Or est vérité , après ce que le Roy eut remis en son obéissance la ville de Compiengne, comme dit est, le x" jour de may se parti d'icelle et s'en ala pour asséger la cité de Soissons. Duquel lieu estoit capitaine ce vaillant combatant sire Enguerrand de Bournonville, noble vassal et très renommé en armes. Devant laquelle ville estoit desjà alée l'avantgarde du Roy, laquelle conduisoient le comte d'Armaignac * et le duc de Bar* et Clugnet de Brabant soy disant admirai de France' le bastard de Bourbon ef messire Amé de Sallebruce, damoisel de Commercis*, avec plusieurs souldoiers du Roy. Et, comme paravant avoient fait ceulx de Compiengne, firent ceulx de Soissons.