CHAPITRE GLXVIII

Comment sire Loys Bourdon, chevalier, fut prins et exécuté. Et de la royne de France qui fut envoiée à Tours.

En ce mesme temps, la royne de France estant au Bois de Vincennes, où elle tenoit son estât, fut visitée par le Roy son seigneur et mary. Et ainsi qu'il retournoit à Paris, vers le vespre, il eucontra messire Loys Bourdon, chevalier, alant de Paris audit bois de Vinciennes , lequel en trespassant assez près du Roy s'inclina en chevauchant et passa oultre assez légèrement. Mais tantost le Roy envoia après lui le prévost de Paris, et lui commanda qu'il le prinst et lemeist prisonnier. Lequel prévost, en acomplissant le commandement du Roy, fist son devoir et print ledit chevalier. Si le fist mener à Paris et puis le raist en chastellet , où il fut par le commandement du Roy fort questionné, et depuis fut noyé en Seine *.