CHAPITRE GLXXIII

Comment le roy d'Angleterre retourna en France à grant puissance. Et du concile de Constance où fut fait le pape Martin.

Item, en ce temps Henry de Lancastre roy d'Angeterre * acompaigné des ducs de Clarence et de Clocestre, ses frères, avec plusieurs autres princes et très grant nombre de combatans et habillemens de guerre, descendit au port de Touque en Normandie *, en entencion de conquerre et mectre en son obéissance toute la ducliié. Ouquel lieu de Touque y avoit ung fort chastel royal qui tantost fut asségé de toutes pars ; pour quoy messire Jelian d'Angennes qui en estoit capitaine, le rendit au bout de trois jours ensuivans , moiennant que lui et ses gens se partiroient avecques tous leurs biens. Et peu de temps après, se rendirent au dessusdit roy les villes et fortresses de Harecourt, Becbebien ', Rogier-Beaumont et Evreux et aucuns autres, sans faire grande défense. Esquelles villes et fortresses il mist grant garnison de ses gens d'armes , et avecques ce, se mist en composicion à faire comme Rouen , la ville de Louviers. Pour lesquelles reddicions et conquestes, les autres plus puissans bonnes villes et fortresses d'icellui pays se commencèrent moult à espoventer. Car n'estoit personne ou peu qui les défendeist,