III

lippe, conle de Charrolois, seul filz du duc de Bourgongne, ala ou pays de Rolande et moult se traveilla d'aler de costë et d'autre, c'estassavoir devers son oncle et sa cousine germaine. Mais pour diligence qu'il en feist, oncques ne les peut accorder, et pour tant s'en retourna en Flandres.

Item, en ce temps aussi, le roy d'Angleterre, qui estoit à grant puissance en la duché de Normendie, conquestoit villes et fortresses et peu trouvoit qui contre lui se défendeist. Car les gens d'armes du roy de France s'estoient retraiz à Paris devers le connestable et en autres lieux à l'environ , pour résister contre la puissance du duc de Bourgongne , comme dit est ailleurs. Si vint devant la ville de Caen, qui estoit moult puissante et bien peuplée, laquelle il asséga et fist assaillir par [di]vers assaulx où moult perdi de ses gens. Mais en la fin tant continua, que ladicte ville fut prinse par force, et furent mors bien six cens des défendans, et depuis se tint la fortresse environ trois sepmaines. Dedens laquelle estoit le seigneur de La Ferté , le seigneur de Montenay et messire Jehan Bigot, qui la rendirent moiennant qu'ilz eurent seureté du roy d'Angleterre de eulx partir sauf leurs corps et leurs biens,

Après laquelle conqueste, ledit roy d'Angleterre fist asséger par son frère le duc de Clocestre la forte ville et chastel de Cherebourg , qui estoient les plus fortes places de toute la duchié de Normendie et les mieulx pourveues de vivres et de habillemens de guerre, et y fut le siège environ dix mois. En la fin duquel temps, le rendi messire Jehan d'Anguiennes qui en estoit capitaine, moiennant une certaine somme d'argent qu'il en eut au partir et bon sauf- conduit pour en aler où

bon leur sembleroit. A tout lequel il ala depuis en la cité de Rouen , quant elle fut conquise par lesdiz Anglois, et là séjourna tant que sondit sauf-conduit fut passé et expiré sur la fiance d'aucuns seigneurs angiois qui lui donnèrent à entendre qu'ilz luiferoient ralonger. Mais au dernier il en fut trompé, et lui fist le roy d'Angleterre coper le col. Dont aucuns François furent assez joieux, pour ce qu'il avoit rendu la très forte ville de Cherebourg avecques le chastel, par convoitise d'argent, ou préjudice du roy de France.