CHAPITRE GLXXXIII

Comment Jehan de Bavière fist guerre à la duchesse, sa nièpce, ou pays deHolande. Et les conquestes que faisoit leroy Henry d'Angleterre.

Item, durant les tribulacions dessusdictes, Jehan de Bavière faisoit forte guerre à la duchesse Jaqueline de Bavière, sa nièpce, et prindrent ses gens en ce temps la ville de tîorcamp en Rolande \ Mais aucunes des tours demourèrent et se tindrent en l'obéissance de ladicte duchesse. Laquelle, oyant nouvelles de ladicte prinse, assembla tantost grant foison de gens d'armes, lesquelz, en la compaignie de la contesse de Haynnau, sa mère, mena par navire à ladicte ville de Gorcamp, qui siet sur la mer. Et de fait, par l'aide de ses gens qui estoient es tours dessusdictes, se bouta dedens et fist combatre les gens dudit Jehan de Bavière, son oncle, qui en assez brief terme furent tournez à desconfilure, et en y eut, que mors que prins, de cinq à six cens, entre lesquelz de ceulx qui furent mors estoit le principal le damoiseau d'Erbre*. Et de la partie d'icelle duchesse y mourut Walerand de Brederode tant seulement, lequel estoit moult vaillant et chef principal de toutes ses gens touchant le fait de ladicte guerre. Dont elle eut grant desplaisir. Et depuis fist copper les testes de ceulx (jui estoient prisonniers, pour ce que ilz estoient parjures envers elle. Et après, pour apaiser le discord d'entre les deux parties, Phe-