Titre de chapitre des imprimés

2. Jacques de Harcourt, IP du nom, baron de Montgommery, fils de Jacques de Harcourt, I" du nom, aussi baron de Montgommery, épousa, l'an 1417, Marguerite, vicomtesse de Melun et comtesse de ïancarville. Elle était fille de Guillaïune IV, comte de Tancarville, tué en 141 S à la bataille d'Azincourt,

Beauvoisis, comme il avoit acoustumé de faire par plusieurs foiz, et à son retour passa pardevanl un chastel nommé Brelle \ dedens lequel estoient assemblez plusieurs des gens du conte d'Armaignac : soudainement saillirent à estandart desployé sur ledit Phelippe et ses gens. Lesquelz, Yoians une si grosse puissance de gens de guerre, furent tantost mis en desroy, et ne fut point en la puissance dudit Phelippe de retenir ses gens. Si furent chassez par ceulx dudit chastel jusques bien près de Beauvais, et en prindrent la plus grant partie, et aussi en occirent aucuns. Pour quoy ledit Phelippe de Saveuses , aiant au cuer grant dueil , se retrahy en ladicte cité de Beauvais. Et dedens briefz jours après qu'il eut retrait une partie de ses gens, s'en ala à Gournay en Normendie , où il fut ordonné capitaine de la ville par le consentement des habitans d'icelle. Et aussi ledit Hector eut dissension avec le commun de Beauvais, pour quoy il convint qu'il se départis! de là dedens tantost après.

Item, environ la Chandeleur ensuivant, le roy Charles de France, acompaigné du conte d'Armaignac, son connestable, et de grant nombre de gens d'armes, de Paris vint à Creil, où il fut par plusieurs jours. Et pour ce que ses gens passèrent assez près de Senlis, la garnison qui y estoit de par le duc de Bourgongne sailli sur eulx et en prindrent plusieurs et eu occirent, dont ledit connestable fut grandement troublé. Et dedens briefz jours après, ledit connestable asséga ladicte ville de Senlis et fist drécer contre les portes et murailles plusieurs gros engins, dont les asségez furent moult

i. Bvesle {Oise, arr. de Beauvais). .

traveillez. Et lors ilz envoièrent devers messire Jehan de Luxembourg et le seigneur de Fosseux, certains messages, en leur requérant que pour le bien et entretenenient du duc de Bourgongne, ilz voulsissent faire secours audit lieu de Senlis. Lesquelz seigneurs dessusdiz, par la délibéracion de Phelippe, conte de Charrolois, seul filz du duc de Bourgongne, et par les seigneurs de son conseil, s'assemblèrent en grant puissance et vindrent à Pontoise, et de là chevauchèrent devers Senlis, aians voulenté de lever le siège. Mais ilz furent advertis que leurs ennemis estoient en trop grant nombre, pour quoy ilz envoièrent dedens la ville cent combatans ou environ, lesquelz entrèrent par une porte où il n'avoit logié nulles des gens du connestable, par lesquelz fut mandé ausdiz asségez qu'ilz feissent bonne chère et que briefment sans point de faulte auroient bon secours. Et les dessusdiz de Luxembourg et de Fosseux, à tous leurs gens d'armes, par Pontoise et Beauvais s'en retournèrent eu Picardie, sans autre chose faire pour ceste foiz. Et d'autre part messire Taneguy du Chastel, prévost de Paris, print la ville de Chevreuse, et desjà avoit asségié le chastel, quant hastivement il fut mandé par le Roy et le connestable pour venir audit siège de Senlis. Pour quoy, laissant partie de ses gens audit siège de Chevreuses, \int audit siège, où il trouva le Roy et ledit connestable.

246 CHllOINIQUE [1417]