CHAPITRE GLXXXVI

(Comment le duc de Bourgongne fîst faire graris préparatoires pour lever le siège de Senlis, et comment le connestable et ses gens se partirent et levèrent leur siège. Et des escarmouches des deux parties.

Au commencement de cest an , le duc Jehan de Bourgongne, après ce qu'il eut ordonné dedens Troies Testât de la Royne de France, et aussi qu'il eut commis plusieurs de ses capitaines , c'estassavoir Chariot d'Uilli, Jehan et Clavin du Clau, Jehan d'Aubigny et plusieurs autres jusques à deux mille combatans ou environ, pour aler à Senlis courir sur les gens du con-

nestable, prenant congié à la Royne, se parti de la ville de Troies et s'en ala à Dijon en Bourgongne , veoir sa femme et ses filles. Et après qu'il eut là séjourné aucune espace, s'en ala à Montmelart * devers l'empereur Sigismond , roy d'Alemaigne , ouquel lieu ilz eurent grant parlement ensemble, et depuis qu'ilz eurent fait grant révérence l'un à l'autre, se séparèrent, et retourna ledit duc en son pays de Bourgongne.

Durant lequel temps, Phelippe, conte de Charrolois, vint à Arras, Auquel lieu, par le commandement de la Royne et de son père le duc, convoqua tous les seigneurs, chevaliers et escuiers, le clergié, et ceulx des bonnes villes du pays de Picardie et autres lieux de leur obéissance, à estre à certain jour nommé en la ville d'Arras. Auxquelz, là venus , il fist requerre par la bouche de maistre Phelippe de Morviller, qu'ilz jurassent de servir la Royne et le duc, son père, envers tous et contre tous, sauf et réservé la personne du Roy. Lesquelz devantditz le jurèrent, c'estassavoir messire Jehan de Luxembourg , messire Jaques de -

Harcourt, le vidame d'Amiens, les seigneurs d'Antoing et de Fosseux, le seigneur d'Auxi, messire Emond de Lombois et plusieurs autres, qu'ilz les serviroient de corps et de biens tout leur vivant. Et adonc fut requis aux bonnes villes qu'ilz aidassent de certaine somme de pécune. Et au surplus fut à tous les dessusdiz assigné brief jour pour estre en la ville d'Amiens à rencontre dudit de Charrolois, afin d'avoir advis et conseil ensemble pour bailler secours à ceulx de Senlis. Et fut ordonné à tous les capitaines, chascun en v..