Plus haut, et mieux, bailli d'Auxi

4. « Jusques vers Nostre Dame de Haï. » {Suppl. fr. 93.) C'est Halle , en Hainaut.

ilz trouvèrent le Roy, à tout son exercite, qui là estoit retourné pour combatre les Bourguignons. De laquelle chevaulchée despleut moult au comte Guillaume de Haynnau % pour tant que son pays avoit esté ainsi fourragé et couru. Et tantost le Roy retourna à Saint- Quentin , et les dessusdiz Bourguignons , par devers Audenarde s'en alèrent à Douay, où ilz trouvèrent le duc de Bourgongne , duquel ilz furent receuz auctentiqueraent comme si tous eussent esté ses frères. Et là vint ladicte dame de Haynnau, sa seur', qui, comme dit est , lui raconta comment elle avoit fait toute sa puissance de procurer sa paix par devers le Roy, et qu'elle n'y avoit peu trouver quelque moien. En outre le Roy, de la ville de Saint-Quentin [ala] à Péronne ' et se loga en son chastel , et la feste de saint Pierre et saint Pol apostre, solemniza en l'église collégiale de saint Foursis*. Et lendemain d'iceUe feste, ladicte dame de Haynnau et son frère le duc de Brabant , s'en vindrent devers le Roy audit lieu de Péronne, pour cause de traicter la paix se ilz peussent. Lesquelz furent moult bien venus et receuz, et puis firent au Roy la requeste pour quoy ilz estoient là venusj. Le dimencbe ensuivant, premier jour de juillet, le duc d'Acquitaine fist à ladicte Dame et à son frère ung grant et noble disner, ouquel il les bien veigna très solemnellement^