Vitry en Perthois, ou Vitry-le-Brûlé
3. Les mss. 8345 et Suppl. fr. 93 ajoutent : nommée.... et laissent le nom en blanc , ce qui a été reproduit par l'édit. de 1572.
sourses moult dangereuses'. Si chevauchoit emprès lui messire Robinet de Mailli, cHevalier et grant panetier de France , lequel , à tout son cheval , se iery et effondra en une desdictes sourses. Lequel cheval n'avoit point de crins à quoy ledit chevalier se peust tenir , si ne le retira pas dehors , mais mourut là très piteusement , et ledit cheval fut saulvé. Pour la mort duquel, le duc de Bourgongne et plusieurs autres seigneurs furent moult courroucez , et par espécial , ses trois frères qui estoient en ladicte compaignie en menèrent grant dueil , c'estassavoir maistre Jehan de Mailli , qui depuis fut évesque de Noiom , Colard et Ferry. Toutesfoiz il fut tiré dehors et enterré assez près de là.
En après, ledit duc de Bourgongne approuchant Troies, vindrent à l'encontre de lui en grant noblesse plusieurs seigneurs de Bourgongne et autres notables bourgois, qui lui firent très grant honneur et révérence. En la compaignie desquelz, et aussi des seigneurs qui estoient avecques lui , entra en icelle ville de Troyes , le xxi' jour de mars, et fut par iceulx convoyé jusques à son hostel ; et partout où il passoit avoit grant multitude de peuple qui pour sa venue crioient Noël ! Et tost après ala devers le roy de France , la Royne et dame Katherine , qui le reçurent bénignement et lui monstrèrent très grant signe d'amour. Et en aucuns briefz jours ensuivans furent assemblez plusieurs consaulx en la présence du Roy, de la Royne et du duc de Bourgongne , pour avoir advis sur la paix finable
1. « Moult brayeuses » dans le ms. Suppl. fr, 93 et les imprimés. . • .
et aliance que vouloit avoir le roy Henry d'Angleterre avec icellui roy de France. Pour lequel traictié confermer, avoit envoyé les ambaxadeurs aians de lui puissance.
Finablement, après plusieurs parlemens tenus avecques lesdiz ambaxadeurs, fu conclu et accordé en la faveur du duc de Bourgongne et de ceulx de son party, que Charles, roy de France, donnoit à Henry, roy d'Angleterre, Katherine, sa fille mainsnée, en mariage, et avecques ce le feroit vray héritier et successeur après sa mort, de tout son royaume, lui et ses hoirs, en déboutant son propre filz et héritier Charles, duc deTouraine, Daulphin de Viennois, et aussi en adnuUant la constitucion jadis faicte par les roys de France et pers, en grande délibéracion , c'estassavoir que ce noble royaume ne devoit succéder ne appartenir à femme. Et mesmes s'il advenoit que le roy Henry n'eust hoirs vivans dudit mariage , par le moien d'icellui traictié et accord , si demourroit-il héritier de la couronne de France , ou préjudice de tous les royaulx et appartenans qui ou temps avenir y po voient ou dévoient succéder de droicte lignée. Et fut tout ce que dit est accordé par le roy Charles, lequel en long temps paravant n'avoit pas été en sa vive mémoire, comme dit est dessus, et estoit content d'accorder et traicter en tous estas selon l'opinion de ceulx qui estoient assistens en sa présence, tant en son préjudice comme autrement. Lequel traictié fait en la faveur et forme que dit est, les ambaxadeurs du roy d'Angleterre , eschevans les aguetz des Daulphinois au mieux qu'ilz porent , s'en retournèrent de là à Rouen devers leur roy, portans avecques eulx la copie dudit traictié. Lequel fut grande-
380 CBRONIQUE [1419]
ment agréable audit roy Henry d'Angleterre , voyant que par icellui venroit à chef de la plus grant partie de son intencion. Et pour tant, au plus brief qu'il peut, prépara ses besongnes en Normandie et assembla ses gens pour aler audit lieu de Troies, pour confirmer icellui traictié. Alors estoit demouré de par icellui roy Henry à Troies, messire Henry de Robersat, pour acaccompaigner et visiter dame Katherine , fille du roy de France et femme avenir du dessusdit roy d'Angleterre.
