a La forteresse d'Avennes-le-Conte » {Suppî. fr

avoient fait : si fut rompue, et y advint grant hurtois et poussais de lances les ungs contre les autres. Entre lesquelles le conte d'Eu se combati contre messire Jehan de Neufchastel, seigneur de Montagu, assez vaillamment, jà soit ce qu'il feust lors bien jeune d'aage. Et fut fait chevalier à ceste besongne, par la main de son beau -père le duc de Bourbon. Après lesquelles armes les parties se départirent et retournèrent chascun à son costé.

En oultre, durant ledit siège, messire Loys Bourdon et autres capitaines, avec cinq cens combatans, furent logez en l'abbaye du Mont Saint-Eloy à deux lieues d'Arras, laquelle estoit close de bonne muraille tout autour, et y avoit de moult notables édifices, qui tous , ou au moins la plus grant partie , furent despoullez par les dessusdiz, et les treilliz de fer, le plomb, cloches et autres choses portatives. Ainsi et par ceste manière fut, pour ceste saison, la conté d'Artois moult oppressée et traveillée par les gens du roy de France.