CHAPITRE GXXVI

Comment le duc de Bourgongne fist assembler ses capitaines avecques leurs gens pour bailler secours à ceulx d'Arras. Et du conte d'Eu qui fu fait chevalier.

En après, le duc de Bourgongne aiant voulenté et entencion de donner secours à ceulx de la ville d'Arras, manda tous ses capitaines, avec lesquelz il conclud de les envoler à puissance, ung certain jour, entrer dedens le logis de Baudimont, où estoit logée l'avangarde du Roy soubz la conduite du duc de Bourbon, à l'encontre desquelz devoit saillir grant quantité de ceulx de la ville, qui de ceste chose estoient advertiz. Pourquoy iceulx cappitaines se mirent tous ensemble jusques à quatre mille combatans , desquelz estoient capitaines, le seigneur de Croy, le seigneur de Fosseux , le seigneur de Jumont, le seigneur de Chalon*, messire Gaultier de Rupeset plusieurs autres, qui tous ensemble chevaulchèrent environ quatre lieues près d'Arras. Et adonc se ordonnèrent et mirent leurs coureurs devant. Desquelz coureurs furent, Athis et Jaques de Brémeu', frères, Loys de Bussi et

i. « Le seigneur de Challon » (Suppl. fr. 93). Notre texte écrit : Chalan.

2. « Attis et Jacques de Brimeur » [Suppl. fr. 93). Notre texte

aucuns autres, qui tous ensemble furent prins des gens du Roy et menez en l'ost. Et pour tant les gens du dit duc de Bourgongne sachant la prinse de leursdiz coureurs, et aussi espérans * que par iceulz leur entreprinse seroit descouverte , furent moult troublez et tant, que sans besongner s'en retournèrent chascun en sa garnison, dont moult despleut au duc de Bourgongne. Et est vérité , que pour le temps que le Roy vint devant Arras, ses gens prindrent la forteresse ,d' Avenues® qui estoit audit duc, et celle de Villers le Chastel qui estoit au seigneur de Gournay, toutes deux à quatre lieues d' Arras. Dedens lesquelles se tenoient tousjours les gens du Roy, qui moult traveilloient le pays, et aussi faisoient savoir à leur ost toutes nouvelles assemblées faictes par lesdiz Bourguignons.

Durant lequel temps les asségans, c'estassavoir ceulx de l'ost du Roy, continuellement comme dit est s'esforçoient de jour en jour de grever et combatre ceulx de la ville d' Arras par toutes voies et manières qu'ilz povoient, tant de canons, veugloires, bricoles et autres engins. Et par espécial, du costé vers Baudimont, traveillèrent fort les asségez iceulx engins dessusdiz. Et avecques ce par dessoubz les murs en plusieurs lieux firent plusieurs mines, entre lesquelles en firent une contre ledit lieu de Baudimont , en intencion de par là entrer secrètement dedens la cité, laquelle fut apperceue des asségez par une contremine qu'ilz

défigure étrangement ces noms en écrivant : Athis et Jaques de Bavière.

i . C'est-à-dire s'attendant , craignant.