Le 30 octobre à Dijon

[1414] D'ENGUERRAJV DE MONSTRELET. 49

honnorablement et joieusement comme seignem* de tous ses subjets. Ouquel temps régnoit ou pays de Picardie la maladie de flux de ventre , dont plusieurs tant nobles, comme autres moururent. En oultre ledit duc de Bourgongne , à son département de Picardie , avoit donné congié à tous ses capitaines d'icelles marches , c'estassavoir messire Jehan de Luxembourg, les seigneurs de Croy, de Beauverger, de Fosseux, de Jumont, de Ronc, de Beaufort, de Noyele, de Humbercourt, Hector et Phelippe de Saveuses, Loys de Vargnies *, et plusieurs autres conducteurs de ses gens de guerre , lesquelz demourèrent pour la garde de ses pays. Et d'autre part laissa à son département, à son seul fîlz, Phelippe de Charrolois, le gouvernement du pays de Flandres, seul et pour le tout. Et lui, venu en Bourgongne comme dit est , fist envayr et prendre la ville et chastel de Tonnoirre, lesquelz furent pillez, et ledit chastel destruit et désolé par ses gens. Duquel chastel s'en estoit fouy ung peu devant le comte de Tonnoirre et ses gens d'armes, non osans actendre la venue des gens dudit duc de Bourgongne. Desquelz estoient conducteurs et capitaines , messire Hélion de Jacqueville , Finebourg et aucuns autres. Et tantost après, envoya le duc de Bourgongne lectres à Paris devers le roy pour lui faire savoir la voye par laquelle il estoit aie de Flandres en Bourgongne , et esquelz lieux il paia ses despens et esquelz lieuz il ne les paia pas, et la cause pour quoy. Et aussi lui fist savoir la destruccion du chastel de Tonnoirre, qu'il avoit fait faire pour ce que ledit conte, son vassal, s'estoit rebellé