CHAPITRE GXXXI

Comment le duc Jehan de Bourgongne après le département du Roy de devant Arras ala en Bourgongne. Et autres besongnes.

Item , après ce que le Roy et ses gens furent départis de devant Arras comme dit est, le duc de Bourgongne fist aler loger ses Bourguignons ou pays de Cambrésis

1 . Le ms. Suppl. fr. 93 se contente de mettre : « Le duc d'Acquittaine » (fol. 221 verso.)

et de Tiérace, et ala en sa personne en la cité de Cambray, ouquel lieu vint devers lui son frère le duc de Brabant. Et après que avecques lui eut eu aucun parlement sur ses afaires , et aussi qu'il eut ordonné sur toutes ses besongnes , print son chemin à aler en Bourgongne , menant avecques lui messire Robinet de Mailli, maistre Eustace de Laitre, naguères chancelier de France , Jehan Legois , maistre Jehan de ïroies , cirurgien , Denisot de Chaumont et plusieurs autres qui avoient esté bannis du royaume de France, ensemble leurs femmes et enfans, et ses dessusdiz Bourguignons qui tous ensemble , avec aucuns autres tant de Picardie comme d'autre pays, porent bien estre mil chevaulx ou environ , à aler en Bourgongne. Et print son chemin à la Chapelle en Térace , où il fut logié. En après ala à Maisières sur Meuse en la conté de Rétliel , avecques tout son ost. Ouquel lieu il se reposa pour ung petit temps avec le conte Phelippe son frère, puis ala loger devant Chaalons. A l'encontre duquel ceulx de ladicte ville cloirent leurs portes, par la vertu d'unes lectres du Roy à eulx envolées, contenansque, icellui ne ses gens ne meissent en leur ville. Laquelle chose despleut moult audit duc de Bourgongne, car il a\oit disposé de passer l'eaue de Marne par ladicte ville. Pour quoy il ala vers Vitry, dont il fut débouté par ordre des lectres du Roy comme il av oit esté de Chaalons. Et, en fin, s'ala loger vers Saint-Désirier^, où il passa l'eaue. Et après ce, la vigile de Toussains vint à Digon*, ouquel lieu il fut receu

i. Saint-Dizier.