Martin V (Othon Colonna), élu le 11 novembre

en Barrois, sa ville'. Et tantôt après le suivy la contesse son espouse, seur au duc de Bar', lesquelz tous ensemble solennizèrent la feste de Toussains. Et en brief temps après, ledit conte délaissant sadicte femme et son chastel de Ligny, s'en ala à Lucembourg, à Tyonville, et en aucunes bonnes villes de la duché de Lucembourg, de laquelle duchié il estoit gouverneur et de la conté de Chingny, commis de par le duc de Brabant , son beau filz , lequel duc de Brabant pour ce temps estoit seigneur de ladicte duchié de Luxembourg et conte de Chigny, à cause de la duchesse sa femme. Et après que ledit conte de Saint Pol eust visité les bonnes villes et fortresses dudit pays , environ la saint Andry * se prépara pour asséger la fortresse de Neufville sur Meuze^ en laquelle estoient aucuns haussaires de par Jehan d'Angle seigneur d'Orchimont, qui continuellement couroient et faisoient guerre en ladicte conté de Cigny *. Et pour tant furent asségez par ledit conte, lequel avoit en sa compaignie de notables gens de guerre, c'est assavoir Guiot de Bournonville , messire Colart de Fienne , Alain de Vendosme et plusieurs autres. Toutesfois , nonobstant que iceulx asségez feussent très fort combatus par les engins dudit conte, et de fait leur boulevert qu'ilz avoient basti devant leur porte fut prins d'assault , si ne se vouldrent point rendre, et y fut ledit conte bien six sepmaines. Et après , pour les afaires qu'il avoit ailleurs , fist fortifier devant ledit chastel une esglise qui estoit à ung