Lis. Chigny, comme plus haut

trait d'arbaleste près de ladicte fortresse , dedens laquelle église il laissa certain nombre de combatans soubz la conduite d'un gentil homme du pays nommé le grant Watier Disque , et avecques lui ung nommé Robinet Oger , lesquelz furent céans bien six sepmaines , de jour en jour combatans et escarmouchans à leurs diz ennemis. En la fm duquel temps iceux asségez se mirent en l'obéissance dudit conte de Saint Pol. Lequel conte , comme dit est , lui partant de devant Neufville s'en ala à Dampviller et de là à Ybbis^ où il fut tout le quaresme en suivant. Et son nepveu messire Jehan de Luxembourg, qui ung peu auparavant estoit venu devers ledit conte au siège dessusdit, après qu'il eut esté avecques lui , l'espace d'un mois ou environ, prenant congié à son oncle devant dit, lequel il ne vit onques depuis, s'en ala en Avignon pour aourer et veoir saint Pierre de Luxembourg son oncle , jadis cardinal.

Item, en ce temps le duc d'Acquitaine, partant de Paris, alla par Meleun et par Montargis en la duché de Berry, et vint a Bourges la nuit de la Toussaint, où il fut grandement et solennellement reçeu et festié par les bourgois et habitants d'icelle ville, ou palais du duc de Berry. Et lendemain se party sans le sceu desdiz bourgois, et ala au chastel de Meun sur Yèvre, lequel chastel le duc de Berry lui avoit donné, à Paris, et fut la cause pour quoy il ala en Berry. Lequel chastel lui pleut grandement et en cellui demeurant print la possession, et retourna à Paris environ la saint Nicolas.

1. Le ms. Suppl. fr, 93 écrit : Ywys. Sans doute Iwuy, en Gambrésis.

%k CHRONIQUE [1414]

Pour ce que le ledit duc d'Acquitaine se partit, luihuitiesme, si soudainement, plusieurs en furent moult esmerveillez. Toutesfois assez tost après le suivirent les contes deVertusetde Richemonl, lesquels l'accompaignèrent, tant en alant comme en venant.