Autrement Louis, duc de Guienne

[1415] D'ENGUERRAN DE MONSTRELET. éH

Piquet de La Haye , entra soudainement esdictes maisons, à tout ses gens, et print ou fist prendre et emporter de fait toute icelle chevance avecques lui en son hostel. Et après fist évoquer les prévostz de Paris et des marchans , avecques l'Université et grant nombre de bourgois, à venir devers lui au Louvre, et là, fist par l'évesque de Chartres, son chancelier, exposer par articles tout le gouvernement du royaume, commençant à la coronacion du Roy son père jusques à présent; comment le duc d'Anjou avoit osté le trésor du roy Charles jadis son aieul*, porté et despendu avec lui en Italie ; conséquemment, des ducs de Rerry et de Bourgongne trespassé; en après, du duc d'Orléans, trespassé, et après ce, du duc de Bourgongne qui est présentement vivant , par lesquelz toute Ja finance du Roy son père a esté traictée et exillée , en concluant que ledit duc d'Acquitaine , Daulphin de Vienne, ainsné filz du Roy, ne vouloit plus souffrir telles gouvernances, ne telles choses, ne si grant destruction des biens de ce royaume et de sondit père. Et pour ce, en conseillant à la chose publique, et au bien de tout ce royaume pourvéant, lui mesme, seul et fermement, prenoit le gouvernement et la régence d'icellui , et ce notifioit-il à eulx et à tous autres à qui il appartenoit ou povoit appartenir. Après lesquelles choses longuement exposées, tous retournèrent eu leurs lieux, et les seigneurs du sang royal, prenans congié à la Royne, se séparèrent l'un de l'autre. Et alèrent le duc de Berry à Dourdan dans sa conté d'Etampes, et le duc d'Orléans à Orléans, et