Southampton

2. Notre texte omet ces mots , qui se trouvent dans le Suppl. fr. 93.

roy de France, son adversaire et détenteur d'iceulx pays injustement, et que par espée il recou\reroit toutes ces choses et lui osteroit la couronne du dit royaume, s'il povoit. Le roy de sa propre bouche advoua icellui arcevesque de Cantorbie et dist que ainsi le feroit-il par la permission de Dieu, et ainsi le promist ausdiz ambaxadeurs en parole de roy. Adonq ledit arcevesque de Bourges, selon la coustume de France , demanda congié de parler, et puis il dist : « 0 tu Roy! avecques révérence, que penses-tu, voulant débouter injustement le très chrestien roy des François de la chaière et trosne de si très grant et si puissant royaume? O tu Roy! avec révérence, cuides tu qu'il ait offert ou fait offrir à te donner sa terre et finance avec sa propre fille à femme, pour la crainte de toy, de tes amis et bien vueillans? nennil. Mais en vérité icellui , meu de pitié , comme amateur de paix, il a ce fait, afin que le sang humain et innocent ne feust point espandu, et le peuple chrestien par ces tourbillons de batailles ne feust point destruit. Et en appellant l'aide de Dieu le Tout Puissant et de la benoiste Vierge , de droit et de raison , par les armes de lui et de ses loyaulx subjetz , vassaulx , aliez et bienvueillans, avec révérence , se tu y viens, tu seras enchacié des régions de sondit royaume et de toutes ses dominacions. Ou tu y seras prins, ou tu y mourras. Pour la révérence duquel si grant roy auquel nous sommes ambaxadeurs et serviteurs, nous te prions de par nous que tu nous faces seurement et sans dommage conduire et mectre hors de tes régions et de toute ta dominacion, et au Roy nostre sire tu escripves entièrement la response que tu as faicte, sur ton séel

et signe manuel*. Laquelle chose ledit roy fîst et leur octroia bénignement. Et en celJe manière , lesdiz ambassadeurs, après ce qu'ilz eurent receuz grans dons, retournèrent à Douvres et de là à Calais. Et après ce qu'ilz furent retournez à Paris, au duc d'Acquitaine en plain conseil du Roy devant plusieurs chevaliers , le clergié et le peuple , ilz racomptèrent par escript l'ordonnance de leur ambaxade. Et par avant ce , le duc d'Acquitaine et le grant conseil du Roy avoient reçeu les lectres de response finale dudit ' roy d'Angleterre , faictes à Vincestre et envolées audit roy Charles de France. v