Notre texte porte : qu'il n'est ployé, etc

m CHRONIQUE [1415]

recours aux armes. Toutefoiz afin que [nostre]* gloire soit tesmoing à nostre conscience , maintenant et par personnelle requeste en ce trespas de nostre chemin auquel nous traict icelle défaulte de justice , nous exhortons es entrailles de Jhésu Crist ce que exhorte la perfection de la doctrine évangélique : « Amis, rens ce que lu dois, et il nous soit fait par la voulenté de Dieu souveraine. » Et afin que le sang humain ne soit point espandu , qui est créé de Dieu , l'éritage et deue restitucion des drois cruellement substraicte, ou au moins des choses que nous, instamment et tant de foiz par noz ambaxadeurs et messages^, et desquelles nous seulement fist estre content la souveraine révérence d'icellui tout puissant Dieu et le bien de paix. Et nous pour nostre parti , en cause de mariage , estions enclins de lascher et laisser cinquante mil escus® derrenièrement à nous offers, nous plus désirans la paix que l'avarice. Et avions préesleuz, iceulx nos drois de patrimoine que si grands nous ont laissez nos vénérables an técesseurs, avecques nostre trèschère cousine Katherine, vostre très glorieuse fille, que avecques la pécune d'iniquité multiplier mauvais trésors , et deshériter par homme la couronne de nostre royaume , que Dieu ne vueille*. Donné soubz nostre