Le 14 août

5, Ce havre entre Harfleur et Honfleur est précisément le lieu où François 1" a construit le Havre.

Trompantin*, de Cornouaille, de Molquilat^ et plusieurs autres, se logèrent où ilz porent. Et après ce, asségèrent très puissamment la ville de Harfleu, qui estoit et est la principale clef sur mer de toute la duchié de Normendie. Et estoient en l'ost du roy d'Angleterre environ six mille bacinetz et vingt quatre mille archers , sans les cannoniers et autres usans de fondes et engins, dont ilz avoient grant habundance. En laquelle ville de Harfleu estoient entrez avec ceulx de la ville, environ quatre cens hommes d'armes esleuz, pour défendre et garder ladicte ville. Entre lesquelz estoit le seigneur d'Estouteville, capitaine de par le roy en ladite ville, les seigneurs de Blanville', de Hacqueville , de Hermanville , de Gaillart*, de Clerre , de Becton , de Adsauches, de Brianc^, de Gaucourt, de l'Isle-Adam et plusieurs autres chevaliers et vaillans escuiers jusques au nombre dessusdit, résistens moult fort aux Anglois descendus à terre. Mais riens n'y valu , pour la très grant multitude et puissance , et à peine peurent-ilz entrer en leurdicte ville. Et aincois que lesdiz Anglois descendissent à terre , iceulx François ostèrent la chaussée estant entre Moustierviller et ladicte ville, pour empirer la voye ausdiz Anglois, et mirent les pierres en leurdicte ville. Néantmoins lesdiz Anglois, vagans par le pays , prindrent et amenèrent plusieurs prisonniers et proies, et issèrent leurs gros engins es lieux plus convenables entour la dicte ville, et preste-