CHAPITRE CXLIV
Comment les chanoines de Saint Géry de Cambray eurent grand descord à cêulx de la yille, et de la guerre que leur fist le duc de Bourgongne, et par quel moien ils eurent leur accord.
En ce temps se meut une grant dissencion entre les habitans et bourgois de la ville de Cambray d'une part, et les chanoines de Saint Géry, d'autre part, pour tant que lesdiz bourgois et habitans , voyans la guerre de France approucher de leur dicte ville, conclurent ensemble, pour la seurlé et garde d'icelle, de eslargir les alées de leur muraille par dedens leur ville. Pour quoy, tant de force comme autrement, firent démolir et abatre plusieurs murs des jardins de leursdiz habitans à l'encontre de leurdicte muraille , et par espécial en firent plusieurs démolir contre les jardins desdiz chanoines, entreprenans très largement sur les héritages d'iceulx sans les vouloir récompenser. Et d'aultre part lesdiz habitans voldrent défendre aux dessusdiz à vendre vin en leur célier, non obstant que iceulz chanoines long temps paravant avoient vendu et de ce estoient en possession. Pour lesquelles offenses et oppressions, lesdiz chanoines, après ce qu'ilz eurent plusieurs foiz sommé lesdiz bourgois et habitans, vëans que de ce ne leur seroit faicte nulle raison , se retrahirent pardevers le duc Jehan de Bourgongne et son conseil, eulx très griefment complaignans desdictes
[1415] D'FINGUKRRAN DE MONSTRELï:'!. 87
Oppressions à eulx faictes par iceulx bourgois et habitans. Ledit duc de Bourgongne, à cause de la conté de Flandres est garde de toutes les églises de Cambray héritablement et àtousjours, et pour ladicte garde prend chascun an certaine quantité de grains sur les terres et seigneuries desdictes églises ou pays de Cambrèsis. Et se nomme icelle seigneurie appartenant audit conté de Flandres, la Gavene de Cambrèsis. Lequel duc, de ce non content, envoya ses messagers solemnelz à Cambray devers lesdiz bourgois et babitans, leur signifier qu'ilz réparassent les dommages et oppressions par eulx faictes aux dessusdiz chanoines, lesquelz estoient en sa garde , ou se ce non , il y pourveoiroit par telle manière que ce seroit à leur grande confusion , '--^
et exemple à tous autres. Si n'eut pas sur ce response à son plaisir. Et pour ce qu'il estoit en son pays de Bourgongne, rescripvy à Phelippe dé Charrolois, sou seul filz , lequel estoit en Flandres , que très instamment il gardast et préservast lesdiz chanoines de Saint Géry de toutes oppressions et violences, en contraignant les dessusdiz bourgois et babitans de Cambray de iceulx réparer de leurs dommages et intérestz. Lequel conte de Charrolois sentant la voulenté dudit duc de Bourgongne, son père, de rechef fist sommer iceulx bourgois et babitans qu'ilz restablissent et desdommagassent les dessusdiz chanoines. Et pour ce que lesdiz babitans ne lui firent point response à son plaisir, il fist savoir secrètement ausdiz chanoines qu'ilz vuidassent la ville et s'en alassent à Lisle, ouquel lieu il leur bailleroit demeure soiiffîsant. Lesquelz chanoines, sachans Tentencion dudit conte de Charrolois, mirent grant peine de mectre leurs biens
à saulveté, et pour ce, tout quoiement sans estre apperceuz, se départirent, et s'en ala la plus grant partie demourer à Lisle. Et assez tost après ledit conte de Charrolois fist défier ladicte ville de Cambray et les habitans , par Hector de Saveuses. Lequel Hector assembla bien trois cens combatans, et le jour de l'Exaltacion Saincte Croix* entrèrent soudainement en Cambrèsis et vindrent assez près des portes de Cambray, pour ce que le marchié y estoit , en pillant , occiant et navrant plusieurs de ladicte ville et en y faisant et perpétrant cruellement moult de maulx. Et tantost après , ledit Hector et ses gens se partirent , à tous très grande despouUe , et s'en alèrent loger vers Bray sur Somme , disans que ce avoient-ilz fait au commandement du conte de Charrolois. Pour laquelle envaye lesdiz citoiens de Cambray furent fort esmerveillez et eurent grant double. Pour quoy de plus en plus conceurent grant hayne contre lesdiz chanoines , en eulx préparant de garder la ville , en prenant tous les jours les biens desdiz chanoines , c'estassavoir vivres, blez, bois et autres manières de vivres. Toutesfoiz considérans que au long aler la guerre estoit la destruction totale de leur cité , se tirèrent devers le conte Guillaume de Haynnau , qui de par le roy de France estoit gardien de ladicte cité de Cambray, auquel ilz requirent qu'il voulsist traicter leur paix devers le conte de Charollois, son nepveu% et ilz seroient prestz de faire toute raison ausdiz chanoines, en leur réparant leurs pertes et inlérestz. Pour quoy,
