Fauville en Caux

2. C'est une faute de notre texte. Il faut lire, comme dans le Suppl. fr. 93 « le pays de Caulx. »

du dessusdit Lancelot, le comte d'Eu et plusieurs autres seigneurs François furent moult courrouciez et ennuieux. Et delà, icellui roy d'Angleterre trespassant le Vimeu*, avoit voulante de passer la rivière de Somme à la Blanquetaque , où jadis passa le roi Edouard, son aieul, quand il gaigna la bataille de Crécy contre le roy Philippe de Valois. Mais pourtant que les François à grant puissance gardèrent le passage comme il fut adverti par sesdiz coureurs, reprint son chemin tirant vers Araines^, ardant et embrasant plusieurs villages, prenant hommes et emmenant grans proies. Et le dimanche, xiii* jour de décembre, fut logé à Bailloel en Vimeu'. Et de là passant le pays envoya grans gens pour gaigner le passage du Pont de Rémi. Mais le seigneur de Gaucourt et du Pont de Remy, avecques ses enfants et grant nombre de gens d'armes, défendirent moult roidement et bien ledit passage contre iceulx Anglois. Pour quoy ledit roy d'Angleterre, qui ne pot là passer, s'en ala loger à Hangest sur Somme et es villages d'environ. Et lors estoient en Abbeville messire Charles d'Albreth, connestable de France, le maréchal Bouciqault, le comte de Vendosme, grant maistre d'ostel du roy, le seigneur de Dampierre, soy disant admirai de -France, le duc d'Alençon et le comte de Richemont, avecques moult grande et noble chevalerie. Lesquelz oyans les nouvelles dudit chemin que tenoit le roy d'Angleterre, se départirent et alèrent à Corbie et de là à Péronne,

1. « Trespassant le Vymeu » {Ibid.), Notre texte écrit : le vivier. ' .