CHAPITRE CXLVI

Comment le roy d'Angleterre entra dedens Harfleu ; des ordonnances qu'il y fîst et du Yoyage qu'il entreprint à venir à Calais — Et du gouvernement François.

Or est vérité que après les traictiez fais et conclus entre le roy d'Angleterre et ceulx de la ville de Harfleu, comme dit est, et que les portes furent ouvertes et ses commis dedens entrez , icellui roy, à entrer en la porte, descendi de son cheval et se fist deschaulcer, et en tel estât ala jusques en l'église Saint Martin parrochiale d'icelle ville, et là fist son oraison très dévotement en regraciant son Créateur de sa bonne fortune. Et après qu'il eut ce fait, fist prisonniers tous les nobles et gens de guerre qui léans estoient, et tantost après les fîst mectre hors de la ville, grant partie en leurs pourpoins tant seulement , moiennant qu'ilz furent tous mis en escript par nom et surnom, et jurèrent par leurs seremens de eulx rendre prisonniers à Calais dedens la Saint Martin d'iver ensuivant, et sur ce se partirent. Et pareillement furent mis prisonniers grant partie des bourgois de la ville , et convint qu'ilz se rachetassent par grans finances , et encores avec ce furent boutez dehors. Aussi furent boutées dehors grant quantité de femmes avec leurs enfans, et au partir leur bailloit-on à cliascun cinq sous et une partie de leurs vestemens. Si estoit piteuze chose de veoir et oyr les regretz et lamentacions que faisoient iceulx habitans délaissans ainsi leur ville avec leur bien. En oultre furent licenciez tous les prestres et gens d'église. Et quant à parler des biens qui eu ladicte

[1415] D'ENGUERRAN DE MONSITIELET. 95

ville furent trouvez, il y en avoit sans nombre, lesquelz demourèrent au dit roy, et les fist départir selon son plaisir. Toutesfoiz deux tours qui estoient sur la mer, moult fortes, se tindrent à peu près dix jours, et après se rendirent comme les autres. Et en après ledit roy Anglois envoia en Angleterre, par Calais, grant partie de son ost, menans par navire grans despoulles, prisonniers et engins. En laquelle compaignie estoient principaulx capitaines, le duc de Clarence, frère audit roy, et le conte de Warwich. Et ledit roy fist réparer les murs et les fossez de ladicte ville de Harfleu , et puis y mist garnison de ses Anglois, cinq cens hommes d'armes et mil archers , desquelz estoit capitaine messire Jehan le Blond , chevalier. Et avec ce y mist grant provisions de vivres et habillemens de guerre. Après, en la fin de quinze jours, se partist ledit roy de ladicte ville de Harfleur, voulant aler à Calais, acompaigné de deux mil hommes d'armes et treize mil archers ou environ et autres gens de guerre, et se ala loger à Fauville * et es heux voisins. Après, en trespassantle pays de Calais*, vint vers la conté d'Eu. Et fut vérité que les coureurs desdiz Anglois viendrent devant la ville d'Eu, en laquelle estoient plusieurs François qui saillirent à l'encontre d'eulx. Entre lesquelz estoit ung moult vaillant homme d'armes, nommé Lancelot Pières, lequel courant contre un anglois de fer de lance, fut féru entre deux lames au travers du ventre, dont en la fin il mourut, et depuis qu'il fut navré à mort, occist ledit Anglois. Pour laquelle mort