avril

Senlis, où estoit le Roy son père. Lequel Roy, acompaigné de plusieurs princes, prélats et grans chevaliers, partant de Senlis ala loger à Verbrie \ et la Royne, avecfjues elle la duchesse d'Acquitaine , de Paris alèrent demourer à Meaulx en Brye après le département du Roy dessusdit , et le duc de Berry, seul et pour le tout, demoura capitaine de Paris et gouverneur des marches à l'environ. Le roy Loys s'en ala à Angers et ne fut point , pour ce voyage , en la compaignie du Roy. Lequel Roy avec ses princes s'en ala vers Compiengne, et quant il fut près, il envoya un de ses héraulx à la porte de la ville noncer à ceux de dedens comment leur roy venoit à belle compaignie et qu'ilz le meissent dedens, ainsi que vrays et loyaulx subgectz doivent faire à leur seigneur. Lesquelz de la ville firent response que très voulentiers recevroient lui et son filz le duc d'Acquitaine avec tout leur estât, et non autrement. Lesquelles paroles le hérault raporta vers le Roy son seigneur. Lequel se loga en la maison d'un bourgois entre la ville et la forêt , et le duc d'Acquitaine se loga en l'abbaye de Royal-Lieu, et les autres princes et capitaines se logèrent où ilz porent lé mieulx. Et tousjours continuèrent les engins du Roy à gecter contre la ville, et y firent de grans dommages. Et , ce pendant , se firent plusieurs escarmouches les ungs contre les autres, lesquelles il y en eut une dont il faut faire mencion. C'estassavoir que le premier jour de may approuchant, messire Hector, bastard de Bourbon , manda aux asségez que le premier jour de may les vendroit resveiller. Et pour tant,