Verberie (Oise

premier jour de may, monta à cheval , et avecques luy deux cens hommes d'armes, roides et expers en fait de guerre, avec aucuns piétons, et tous ensemble, chascun ung chapelet de may sur leurs testes* par dessus leurs armeures, les mena auprès de la porte de Pierrefons pour porter une branche de may à iceulz asségez , comme mandé leur avoit. Lesquelz de toute leur puissance résistèrent aux dessusdiz , et tant qu'à ceste besongne y eut ung très dur et fort essour des ungs contre les autres, dont les aucuns de chascune partie furent mors et navrez cruellement. Et mesmement le dessusdit bastard de Bourbon eut son cheval mort dessoubz luy, et fut en grant péril d'être prisonnier à ses adversaires.

Durant ce temps , le duc de Bourgongne eut plusieurs parlemens avec des Flamens afin qu'ilz lui voulsissent aider de certain nombre de gens pour lever ledit siège de Compiengne. Mais de ce ne lui vouldrent riens accorder, disans que contre le Roy ne se vouloient point armer. Et pour tant ledit duc de Bourgongne , à qui ses gens de Compiengne avoient desjà envoyé sçavoir se il leur bailleroit secours , fist response à iceulx qu'ilz prinsent appoinctement avecques le Roy et le duc d'Acquitaine le plus courtoisement qu'ilz pourroient. Lesquelz de ce advertis, traictèrcnt avecques le Roy, par condicion que toutes les gens dudit duc de Bourgongne s'en yroient sauf leurs corps et leurs biens , par ainsi qu'ilz promirent et leur capitaine pour eulz, de jamais tenir contre le Roy ne le duc d'Acquitaine nulles places ne villes qui leur