CHAPITRE CXLVIII

Comment le» François et les Anglois s'assemblèrent en bataille l'un contre l'autre près Âzincourt , où les Ânglois obtindrent *.

En après, le lendemain, qui fut le venredi xxv' jour du moys d'octobre , mil quatre cens et quinze , les François, c'estassavoir le connestable et tous les autres officiels du Roy, les ducs d'Orléans, de Bourbon, de Bar et d'Alençon, les contes de Nevers, d'Eu, de Richemont, de Vendosme, de Marie, deBlammont, de Vaudémont, de Salmes, de Grandpré, de Roussy, de Dammarlin, et généralement tous les autres nobles et gens de guerre , s'armèrent et se mirent bors de leurs logis. Et adonc par le conseil du connestable et autres sages du conseil du roy de France, fut ordonné à faire trois batailles , c'estassavoir avantgarde , bataille , et arrière-garde. En laquelle avant-garde furent mis * huit mille bacinetz , chevaliers et escuiers , quatre mille archers et quinze cens arbalestriers. Laquelle avantgarde conduist ledit connestable, et avecques lui les ducs d'Orléans et de Bourbon , les contes d'Eu et de Richemont, le mareschal Bouciquault, le maistre des arbalestriers , le seigneur de Dampierre , admirai de France, messire Guichard Daulpïiin et autres officiers du Roy, à tout seize cens hommes d'armes , fut or-

1 . Sic. Il faut ajouter « la journée » comme dans le Suppl, fr. 93.