Véans avec ce devant luy » {Suppl. fr
110 CHROmQUE [1415]
duc Jehan de Bourgongne , combien qu'ilz eussent donné à Phelipe de Cbarrolois , son filz , une moult noble espée aournée de riches pierres et autres joiaux, laquelle espée estoit au roy d'Angleterre et avoit esté trouvée et prinse avecques ses autres bagues par iceulx. Et lui donnèrent, à fin que s'ils avoient aucune ocupacion ou danger pour le cas dessusdit , icellui conte les eust pour recommandez.
En oultre le conte d'Aumarle * et le conte de Fauquemberge, les seigneurs de Louvroy et de Chin, meneurs de l'arrière-garde, à tout six cens hommes d'armes qu'à grant peine ils avoient retenus, alèrent férir très vaillamment dedens les Anglois. Mais ce riens n'y valu. Car lantost furent tous mors ou prins. Et là, en plusieurs lieux , les François se recueillirent par petits monceaux. Mais par iceulx Anglois , sans- faire grant défense, furent tous mors ou prins.
En la conclusion , ledit roy d'Angleterre obtint la victoire contre ses adversaires. Et furent mors sur la place, de ses Anglois, environ six cens hommes de tous estats, entre lesquels y mourut le duc d' Yorc, son oncle. Et pour vray, en ce propre jour, devant qu'ilz assemblassent à bataille et la nuit devant, de la partie des François furent fais bien cinq cens chevaliers ou plus.
En après ledit roy d'Angleterre , quant il fut demouré victorieux sur le champ comme dit est, et tous les François, sinon ceulx qui furent mors ou prins, furent départis , fuians en plusieurs et divers lieux , il environna, avecques lui aucuns de ses princes^ le champ dessusdit où la bataille avoit esté , et tandis
1 . « Le conte de Marie >• {Suppl. fr, 93.), c'est le comte d'Aumale.
[14i5] D'ENGUERRAN DE MONSTRELET. Ui
que ses gens estoient ocupez à desnuer et despoiiller ceulx qui estoient mors , il appella le hërault du roy de France roy-d'armes nommé Monjoye, et avecques lui plusieurs autres béraulx , tant François comme anglois, et leur dit : « Nous n'avons point faict ceste occision , ains a esté Dieu tout puissant , comme nous créons , par les péchez des François n . Et après, leur demanda auquel devoit estre la victoire actribuée , ou à lui ou au roy de France. Et lors icellui Monjoye dist et respondi au roy d'Angleterre , qu'à lui devoit estre ladicte victoire et non au roy de France. Après, icellui roy leur demanda le nom du chastel qu'il veoit assez près de lui. Et ilz lui respondirent qu'on le nommoit Azincourt. « Et pour tant , dist le roy, que toutes batailles doivent porter le nom de la plus proucbaine forteresse, village ou bonne ville où elles sont faictes, cestes dés maintenant et pardurablement sera nommée la bataille d' Azincourt. »
Et après que lesdiz Anglois eurent grant espace de temps esté sur le champ dessusdit , voians qu'ilz estoient délivrez de leurs ennemis et aussi que la nuit approuchoit, s'en retournèrent tous ensemble en la ville de Maisoncelles où ilz avoient logié la nuit devant, et là se logèrent, portans avecques eulx plusieurs de leurs gens navrez. Et après leur département aucuns François estans entre les mors , se traynèrent par nuit au mieulx qu'ilz peuvent jusques à ung bois qui estoit assez près du cliamp , et là en moururent plusieurs. Les autres se tirèrent en aucuns villages et autres lieux où ilz porent le mieulx. Et lendemain ledit roy d'Angleterre et ses Anglois se deslogèrent très matin de ladicte ville de Maisoncelles et, à
112 CHROMQUE [1413]
tous leurs prisonniers, de rechef alèrent sur le champ. Et ce qu ilz trouvèrent desdiz François encore en vie, les firent prisonniers, ou ils les occirent. Et puis, de là, prenans leur chemin devers Calais , se départirent. Et en y avoit bien les trois pars à pie , lesquelz estoient moult traveillez , tant de ladicte bataille comme de famine et autres mèsaises.
Ainsi et par ceste manière retourna le roy d'Angleterre en la ville de Calais après sa victoire, sans trouver aucun empeschement , et laissa les François en grant tristesse , pour la perte et destruction de leurs gens.
