CHAPITRE GLU

Comment le roy de France sceut les nouvelles de la bataille d'Azincourt . Et comment le duc Jehan de Bourgongne assembla grant armée pour venir à Paris. Et comment Loys, roy de Cécile, s'en ala.

Item, après ce que les nouvelles furent apportées à Rouen devers le roy de France, de la douloureuse aventure et perte de ses gens, il ne fault point doubler que lui et les autres princes n'eussent au cuer grant tristesse; néantmoins dedens certains briefz jours ensuivans, en la présence du roy Loys, des ducs d'Acquilaine, de Berry, et de Bretaigne, et du conte de Ponthieu, son petit filz, et plusieurs autres de son conseil, ordonna et constitua le conte d'Armignac à venir hastivement devers lui.

Et ce pendant , le duc de Bourgongne , estant en

1. Le 10 août 1415. Jeanne II, fille de Charles de la Paix, avait succédé dans le royaume de Naples à son frère Ladislas ou Lancelot, mort le 6 août 1414.

2. «« Si fist son connestable de messire Lourdin de Salligny. Et estoit ung de ses cappitaines, messire Hue Brunel seigneur de Chyembronne » (Suppl. fr. 93.).

son pays de Bourgongne, lui furent apportées nouvelles de la perte des François. Pour quoy, pareillement comme les autres princes, il en fut moult dolent et courroucié , par espécial de ses deux frères le duc de Brabant et le conte de Nevers. Mais non obstant ce, sans délay se prépara à venir devers Paris, à tout grant puissance de gens d'armes. Et pour tant que les nouvelles en alèrent jusques au roy de France et à ses princes, se haslèrent de retourner dedens Paris , et y vint le Roy et les dessusdiz seigneurs, trois jours devant la saincte Katherine*. Si estoit en la compaignie dudit duc de Bourgongne, le duc de Lorraine et bien dix mille chevaulcheurs. Pour quoy les Parisiens , doubtans ledit duc de Bourgongne , envoièrent leurs ambaxadeurs solemnelz à Meleun, devers la Roy ne, qui là estoit malade. Laquelle se fist porter par plusieurs hommes de pié en la ville de Paris, et se loga en l'ostel d'Orléans avec la duchesse d'Acquitaine fille audit duc de Bourgongne. Et est vérité que iceulx Parisiens et aucuns officiers du Roy, qui avoient esté favorables à la partie d'Orléans contre ledit de Bourgongne, comme dit est, le doubtoient moult fort, pour ce qu'il avoit en sa compaignie plusieurs de ceulx qui avoient esté banniz et enchacez hors de ladicte ville de Paris, c'estassavoir messire Hélyon de Jaqueville , messire Robinet de Mailly, maistre Eustace de Laistre, maistre Jehan de Troies, Caboche, Denisot de Chaumont, Garnot de Saint-Yon et plusieurs autres. Et pour tant, traictèrent vers le Roy et le duc d'Acquitaine que messire Clugnet de Brabant , le sire de Barbasan et le