CHAPITRE LXXXV

Comment plusieurs capitaines furent envoiez de par le Roy sur les frontières en divers pays contre les Orléanois. Et d'une grosse escarmouche qui fut devant Villefranche ou pays de Bourbonnois. Et de la destrousse du conte de La Marche j et autres matières.

Item , en ce mesme temps furent envoiez plusieurs seigneurs et capitaines de par le Roy sur les marches et pays des seigneurs, lesquelz il tenoit pour adversaires. Entre lesquelz le conte de La Marche fut com-

mis, et avecques lui le seigneur de Hambures *, à entrer dans la duché d'Orléans et icelle mectre en obéissance de par le Roy. Et contre le duc de Bourbon, qui avoit fort gasté et destruit 1% pays de Charolois, furent envoiez Amé de Viry, Fribourg' et autres, lesquelz très fort gastoient le pays de Bourbonnais, eulx et leurs gens, dont ilz avoient grant planté en leur compaignie; et aussi le pays de Beaujolois. Et de fait alèrent courre à puissance et esLandard desployé, en très belle ordonnance, devant Viilefranclie, où estoit le duc de Bourbon, et avecques lui son frère le baslard, nommé messire Hector, lequel estoit vaillant chevalier, expert et renommé en armes et en fais de guerre , et avec ce estoit fort et puissant et bien formé de sa personne. Si estoient avecques eulx pour ce jour très grant nombre de chevaliers et escuiers du pays dudit duc. Lesquelz, quant ilz virent leurs ennemis devant eulx, se mirent en moult belle ordonnance, et alors saillirent hors de pié et de cheval en toute puissance, et mesmement le duc se mist hors de la ville en bataille pour iceulx combatre. Et adonc commença l'escarmouche très dure entre les parties, et y eut de grandes entreprinses d'armes tant d'un costé comme d'autre. Et par espécial, ledit bastard de Bourbon, qui conduisoit les coureurs par manière d'avant- garde, se y porta ce jour très vaillamment et chevalereusement , et se féry de telle façon dedens ses adversaires, que son frère le

4. Le nis. SuppI, p. 93 , porte ; Le seigneur de Hanibuyc. Il ne faut lire, ni Hambuye ni Hambures, mais Rambures, qui est le vrai nom et qui, dans notre texte, se trouve ainsi écrit , la dernière fois qu'il y est mentionne.