Louis II, duc d'Anjou et roi de Sicile
de tenir leur parti contre les enfans d'Orléans et tons leurs aliez. Et d'autre part, la duchesse de Bourgongne ala au bois de Vinciennes, où estoient la royne de France et la ducliesse d'Acquitaine , qui très honnorablement les [lis. la] reçeurent. Et là, les alèrent visiter lesdiz ducs d'Acquitaine et de Bourgongne, et y furent fais très grans et soleninelz esbatemens pour les bienveigner. Et depuis demourèrent avecques la Royne grande espace de temps, aux despens du Roy.
Et en ce mesme temps, le seigneur de Dampierre et aucuns autres furent envoiez de par le Roy à Boulongne sur la mer au devant des ambassadeurs du roy d'Angleterre qui estoient en la ville de Calais , et tous ensemble , convindrent à Lolinguen , et là traictèrent trêves entre les deux roy s un g an entier durant. Après lequel traictié, ledit admirai et ceulx qui estoient avecques lui retournèrent à Paris devers le Roy. Ouquel lieu estoient assemblez très grant nombre de prélas et autres gens d'église pour aler devers le pape lui faire requeste que ung lieu feust prins et esleu à tenir ung concile général de l'Eglise chrestienne. Mais à la vérité dire, assez peu y fut besongné, et ne peurent ceulx d'icelle assemblée venir à une seule conclusion. Si fut esleu et prins ung autre jour pour estre ensemble et avoir plus grant nombre desdiz prélas et gens d'église, que là n'avoit eu.
En oultre, en ces propres jours les Parisiens entendans loyaument et constamment servir le Roy et son filz le duc d'Acquitaine , en ses guerres , procurèrent tant devers lui par le moien du duc Jehan de Bourgongne, que Testât de l'eschevinage de ladicte ville de Paris avecques toutes les franchises d'icellui, qui para-
vaut, c'est assavoir Tan mil trois cens quatre vingts deux ou mois de janvier, leur avoit esté osté par Tauctorité royale, leur fut rendu de par le Roy pleinement et libéralement, et sur ce leur en furent lectres faictes et baillées ^ Dont très grandement furent resjouys, et par ce moien eurent le duc de Bourgongne, en tous ses afaires, en grande recommandacion .
