Roch ester

[i4H] D'ENGUERRAN DE MONSTRELET. 233

Gales, auquel la besongne touclioit, furent moult lionnorez. Et après ce que a un certain jour, par la bouche dudit ëvesque, ilz eurent bien et à point remonstré en la présence du roy, de ses en fans et de son conseil , tout Testât de leur ambaxade , et que de ce ilz eurent eu la response assez agréable , et aussi que plusieurs dons leur eurent esté fais par ledit roy, retournèrent à Douvres et de là à Calais, et de là retournèrent à Paris. Et là, en la présence du roy de Cécile, des ducs d'Acquitaine, de Bourgongne et de Bar, et de plusieurs autres du conseil royal , racontèrent tout au long ce qu'ilz avoient besongné , et comment le roy d'Angleterre , ses enfans et ses princes , les avoient receuz en grant honneur, pour la révérence du Roy et de ceulx qui là les avoient envolez, et mesmement leur avoient donné plusieurs joyaulx. Dont ilz remercièrent liumblement le Roy. Lequel, avec ses princes, fut très content des choses dessusdictes. Et adonc ledit duc de Bourgongne manda son filz le comte de Charrolois, qui estoit à Gand , qu'il venist à Paris , pour estre à la feste de Pasques prouchainement venant.

En ces mesmes jours, à la prière et requeste de la duchesse de Bourbon, fille du duc de Berry *, fut par ledit duc de Berry et par le duc d'Orléans et autres grans seigneurs de ceste partie, le seigneur de Crouy mis à pleine délivrance de la prison où il avoit esté assez longuement', et fut convoie par les gens dudit duc d'Orléans et conduit jusques au près de Paris, Et à

son département promist sur sa foy de tant faire devers

i . Marie, seconde fille de Jean, duc de Berri, mariée en 4400 à Jean I", duc de Bourbon.