Fu tout porté en Ardenne. » {Ibid

moult expert chevalier , tantost qu'il oy nouvelles de la prinse de sadicte ville. Si fut tout le circuite entreprins par ceulx de dehors , et par grant force et puissance les commencèrent à guerroier. Et les asségez ordonnèrent leurs défenses sur les murs , de dars et de saiètes et d'autre trait, en leur monstrant et faisant bonne guerre et bonne défense. Et là en ladicte ville furent en cest estât vingt trois jours. Et tant que le vif jour dumoys de juing, le seigneur de Bosqueaulx Thomas de Hersis et son filz * , chevaliers , le bastart d'Esne , et ceulx qui estoient avecques eulx , considérans que leurs adversaires croissoient de jour en jour, et aussi le dérompement des tours, des maisons et des murs, doubtans qu'en la fin ne feussent prins de force et de leurs ennemis mis à mort, ce jour, eurent conseil ensemble pour sçavoir comment ilz se pourroient saulver. Si monstrèrent grande apparence de résister et eulx défendre contre leurs ennemis , pour mieulx celer leur entencion. Lesquelz, à l'eure que ceulx de dehors estoient en leurs tentes et pavillons, et qu'ilz séoient au disner , et avoient leurs guectes devant une porte tous armez ainsi que on avoit accoustumé, vindrent lesdiz asségiez tous armez et montez sur leurs chevaulx, et firent ouvrir les portes. Et tous , excepté trois qui dormoient ou qui furent trop négligens, saillirent hastivement hors de la porte , en férant très asprement leurs chevaulx des espérons , et à course de chevaulx se boutèrent ou bois le plus tost qu'ils porent. Ceulx qui tenoient le siège, voians ceste chose, furent

4. Il est appelé plus haut Thomas de Liersis. Le ms. Suppl. fr. 03 porte : « ïhomars de Liersies, le ûlz du seigneur d'Esclèbes, chevaliers. »

tous esmerveillez. Si boutèrent leurs tables par terre , montèrent es cbevaulx et coururent après eulx. Si les suivirent à grant effort tant qu'ilz porent , et en prindrent jusques à soixante ou environ , et les aultres se saulvèrent par force de bien fuyr. Et ceulx qui les chacèrent, retournèrent , à tout leurs prisonniers , puis entrèrent en ville, où ilz trouvèrent les trois orlèanois dessusdiz, avecques aucuns aultres chétifz, lesquelz le bailli de Vermendois fîst mectre en prison. Et après ce qu'on eut oye leur confession , furent par sentence dudit bailli dëcolez. Et après se partit de là ledit bailli et s'en ala à Laon , où il mena les autres prisonniers orlèanois bien liez , pour là leur faire coper les testes. Et le seigneur de Vrevins demoura en sadicte ville , et à son povoir la fist refaire et réparer. Et le seigneur de Chin et les autres s'en alèrent chascun en son lieu. Et dedens brief temps après , fut prins le cbastel de Gersies*, qui estoit moult fort, des gens messire Clugnet de Brabant, c'estassavoir de messire Symon de Clermont, etung capitaine nommé Mulet Dautre, et aucuns autres. Lesquelz le prindrent d'emblée, à ung matin. Mais tantost ledit bailli de Vermendois, et avecques lui les seigneurs dessusdiz et grant multitude de communes , vindrent devant et le recouvrèrent par force d'assault. Si furent prins les dessusdiz Simon et Mulet Daultre et leurs gens, et menez à Laon, où ilz eurent tous les testes copées. Et après, pour garder ledit chastel, y fut mise garnison de par le Roy.