CHAPITRE XGVm

Comment le duc de Berry fut fort oppressé de maladie en son hostel a Paris et autres besongnes de ce temps.

En ces jours le duc de Berry, [qui] estoit venu à Paris devers le Roy son nepveu pour estre au conseil qui là se devoit tenir, fut très griefment oppressé de

i . Les reg. du parlement l'appellent Lourdin. Voici une note qui le concerne , mise en marge du registre du Conseil coté XIII (fol. 167). Iste Lourdinus ^ qui erat familiarissinms domini ducis BurgundiXf siio pj-ecepto ductus fuit ad Flandriam, ut dicitui\ carceri manripandus , circa festum sancti Andrex CCCCXII. La S. André tombe le 30 novembre.

maladie en son hostel de Neelle , et là par sa fille la duchesse de Bourbon *, qui pour ceste cause vint audit lieu de Paris, fut très diligemment visite et le servi et administra doulcement jusques à ce qu'il fut en bonne santé. Et pareillement fut soigneusement visité de son nepveu le duc Jehan de Bourgongne.

Et cependant, ladicte duchesse de Bourbon impétra devers le Roy et les ducs d'Acquitaine et de Bourgongne que le corps de Vignet d'Espineuse, jadiz chevalier du seigneur de Bourbon son seigneur et mary , fust osté de Montfaulcon et son chef des haies où il avoit esté mis grant temps paravant par la justice du Roy. Si le fist porter acompaigné de plusieurs de ses amis en la ville d'Espineuse en la conté de Clermont, où il fut enterré dedens l'église assez honnourablement.

Et adong par le duc de Bourgongne déssusnommé, estant à Paris comme dit est, se conduisoient la plus grant partie des besongnes et afaires du royaume par son conseil et de ceulx à lui favorables. Et non obstant que par la paix et traictié d'Aucerre eust esté promis de par le Roy et les seigneurs de son sang que ung chascun, de quelque estât qu'il feust et quelque partie qu'il eust tenu, seroit remis en ses biens et héritages et aussi en offices et bénéfices, néantmoins en y eut plusieurs qui celle grâce et bénéfice ne porent obtenir quelque diligence qu'ilz en feissent, et par espécial grant partie de ceulx qui a voient tenu la partie d'Orléans , lesquelz furent mis de celle grâce en délay. Et pour ce et pour autres causes , s'entretindrent tousjours les envies secrètement entre lesdictes parties , et