CHAPITRE CXI
Comment le duc d'Orléans recouvra les chasteaulx de Coucy et de Pierrefons. Et d'un mandement que le Roy envoia au duc de Bourgongne *.
Item, en ce temps ou environ , le duc d'Orléans, selon les convenances de la paix requeist au Roy qu'il lui feist rendre ses deux chasteaulx , c'estassavoir Coucy et Pierrefons, lesquelz le conte de Saint-Pol ne lui avoit voulu rendre. Si lui fut sa requeste accordée, et fut ordonné messire Gasselin du Bois , bailli de Sens , pour aler recevoir l'obéissance de par le Roy ; et par ainsi furent restituez audit duc d'Orléans/.
En oultre , le samedi ensuivant vint à Paris le conte d'Armaignac et Clugnet de Brabant, chevalier, à très grant compaignie de gens d'armes. Lequel conte d'Armaignac fut par le Roy amiablement reçeu et honnorablement , et aussi de par tous les autres seigneurs. Et alors tous ceulx , ou au moins la plus grant partie de ceulx qui avoient tenu la partie d'Orléans , vindrent audit lieu de Paris ; et si se conduisoient toutes les besongnes du royaume par leur moien et du tout à leur plaisir. Car le Roy et le duc d'Acquitaine estoient pour ce temps conduis et gouvernez par eulx. Et quant à ceulx de la partie de Bourgongne, ilz estoient du tout boutez arrière et
\ . Cette rubrique, qui est celle du chapitre cxi dans notre texte, ne se trouve ni dans le Suppl. fr. 93 , ni dans les imprimés. Les uns et les autres continuent ici le chapitre ex.
2. Cet alinéa et le suivant se trouvent, dans le Suppl. fr. 93 et dans les imprimés, à la fin du chapitre cviii.
412 CHRONIQUP: [1413]
n'avoient quelque audience. Si faloit que ceulx qui estoient demeurez dedens la ville de Paris baissassent les testes et oyssent plusieurs paroles qui pas ne leur estoient plaisans *.
Item , le dimanche devant la feste de la Toussains ', le duc de Bourgongne tint grant feste à Lisle et le lundi ensuivant, et eut grant nombre de chevaliers et d'escuiers avec lui. Premièrement , y estoit le conte de Charrolois son filz , le duc de Brabant et le conte de Nevers, ses frères, et plusieurs autres grans seigneurs. Après laquelle feste et eulx départis, peu de temps après ladicte feste de Toussains vindrent à Lisle les ambaxadeurs du Roy, c'estassavoir le seigneur de Dompierre , l'admirai de France, l'èvesque d'Evreux et aucuns autres de par le Roy, et lui commandèrent par vertu de lectres royaulx que sur peine de confiscacion de corps et de biens ne feist aucun pact ou convenance au roy d'Angleterre sur le mariage, ne autrement en quelconque manière , et qu'il rendeist au Roy tous ses chasteaulx , lesquelz il tenoit ou faisoit tenir par ses gens, c'estassavoir Cherebourg, Caen et le Crotoy, et qu'il tenist la paix telle qu'il avoit autre fois sur sa foy promise et loyaument jurée
1 . a En ce tamps , se moustrèrent ceulx de Paris à plainement tenir le party d'Orléans, et mandèrent icelui duc à venir à Paris, et il y vint, et commencha à gouverner à sa guise. Dont ceulx de Paris se repentirent depuis. Car les ducqs de Berry et d'Orléans se mirent si fors dedens Paris que en grant tamps après ilz n'en furent les maistres , et furent d'iceulx tenus en grant subgection. Et ce nonobstant , ceulx du quartier des halles demourèrent tousjours bourguignon (sic) couvertement. Mais ilz n'en osèrent faire samblant. » {Cord. 16, fol. 347. J)
