mai
[140i)] D'EJ>îGl]ERRAN DE MOISSTRELET. 23
contendans , grandes escriplures et le libelle de contumace. Si furent ordonnez commissaires à examiner les tesmoings contre lesdiz contendans.
Item, par ledit concile général fut approuvée l'union, le collège des cardinaulx , la cilacion desdiz contendans et la convocacion dudit concile par les cardinaulx comme en temps et en lieu convenables, seurs et estables, et que ledit concile estoit juge souverain en terre pour congnoistre sur lesdiz articles proposez contre lesdiz contendans.
Il fut aussi prononcé par le saint senne que ce avoit esté chose licite de partir de l'obédience d'iceulx depuis le temps qu'ilz avoient promis de eulx desmettre de la papalité , et que les procès, constitucions et sentences faictes par lesdiz contendans contre ceulx qui se sont soubstrais de leur obéissance, sont de nulle valeur. Après , furent les attestacions publiées , et la sentence interlocutoire fut leue par le saint concile sur les notoires péchez desdiz contendans. Et au jour dui, maistre Pierre PaouP, ou saint concile disttrès solemnellement vostre opinion. Et print son theume : Congregabuntur fUii Jade et filii Israël et facient sibimet caput unum. C'est à dire, que les enfans d'Israël et les enfans de Jude s'assembleront et feront à eulx mesme ung chef. Ce sont ceulx proprement assemblez et venus, et aussi ceulx à venir à ce saint concile, qui feront un seul pape. Et paravant avoit aussi parlé très
i . Dupuy, dans son histoire du schisme, ra{)pclle Pierre Plaon, et dit que c'était un docteur fort estimé dans le concile. Il signe Pierre Flaoul, et se qualifie chanoine de Paris dans un acte de l'an 1398 qui contient son adhésion à l'opinion de l'Université, opinion favorable à la soustraction d'obédience.
f4 CHRONIQUE [1409]
solemnellement maistre Dominique le Petit en la présence de tous les cardinaulx. Et fut son tbeunie : Principes populorum congregati sunt cum Deo Abraham, C'est à dire , les princes des peuples soiit assemblez avec le Dieu d'Abraham. Les cardinaulx et prélas de saincte Eglise sont appeliez les princes des peuples. Au jour d'ui pareillement, les théologiens ont dit leurs opinions ; qui sont en nombre six vingts et trois, desquelz les vingt quatre sont de vos subjetz et suppos.
Item , au jour dui a esté ordonné que les deux contendans soient citez aux portes des églises , au mercredi cinquiesme jour de juillet , à oyr sentence diffînitive.
Ebron a envoie une bulle aux Anglois en leurs priant qu'ilz vueillent estre de leur parti avec Ruper, roy des Rommains second esleu, pour muer le lieu du concile , et qu'il leur plaise à estre à son povoir. Mais il labeure en vain , car les Anglois , Alemans , Bohémiens , ceulx de Poulaine , de France , de Cipre , de Rodes, d'Ytalie sont si très solemnellement concordables, excepté Ruper, duquel les ambaxadeurs sont départis. Peu de prélats sont venus de Landislay * et de celle seigneurie et dominacion. Le roy de Hongrie a escript qu'il a entencion d'estre oudit concile, mais il a eu grande occupacion pour maintenir sa guerre contre les Sarrasins.
Pierre Martin , dit La Lune ', a envoyé une bulle moult terrible par laquelle il admoneste les cardinaulx de retourner devers lui , et s'ilz ne veulent retourner,
1. Landislay (sir et dans 8345 SiippL fr. 93). T-e grand-duché de Lithuanie?
