Benoît Xin
[1409] D'ENGUIÎRRAN DE MOKSTRELET. 25
il leur défend tiaicter d'élection , et ou cas qu'ilz n*y obéiront, il les excommenie et prononce moult de choses contre lesdiz cardinaulx et leurs adhérens.
Révérens pères, seigneurs et maistres redoubtez, autre chose pour le présent ne vous escripvons , fors que toutes nacions tendent à la réformacion de l'Eglise, à laquelle réformer, sera tenu et obligé , le nouvel pape qui , à la grâce de Dieu , sera esleu. S'il vous plaist aucune chose mander, prestz et appareillez sommes de obéir selon nostre povoir, comme tenus y sommes, en vous suppliant humblement, qu'en toutes noz besongnes , il vous plaise nous avoir pour recommandez. Le Très Souverain vous ait en sa garde. Escript à Pise, le xxix* jour du mois de may *. »
Et estoit escript dessoubz : « Dominique le Petit , Pierre Paoul , Jehan le Quesnoy, Pierre Ponce , Vincent et Eustace de Faulquemberge , Ernoul Vibrant , Jehan Bourlet, dit François. Maistre Pierre de Poigny et maistre Guillaume le Charpentier ne sont point cy dessoubz escrips , pour ce qu'ilz sont absens. »
Comment les deux contendans à la papalîté furent condempnez par le saint concile de Pise '.
S'ensuit la condemnacion desdiz contendans à la papalité , dont la teneur s'ensuit :
« Ce présent saint senne général assemblé ou nom de Jhésucrist, se soustrait et départ de Pierre de La Lune , appelle Benoist , Xlir de ce nom , et de Lange
i. L'an 4 409.
2. Ce chapitre, dans l'édition de i572, fait partie du cinquantetroisième chapitre mal coté lx.
26 CHROx>,IQUE [1409]
Corrarion nomme Grégoire XIP, et descenie ledit saint senne que ainsi doivent faire tous loyaulx catholiques.
c( Item , ledit saint senne représentant l'Eglise universelle séant pour juge en ceste ville de Pise , après meure délibéracion et examen de tesmoings sur les horribles péchez desdiz contendans , prononce et discerne par sentence diffinilive iceulx estre privez et indignes de tout honneur et dignité, et mesmement de dignité papale. De rechef, prononce iceulx estre séparez de saincte Eglise de fait et par les sains canons, par icelle sentence en ces escrips, en défendant à iceulx et à cliascun d'eulx, que jamais ne soient si hardis de eulx tenir pour pape , en déclairant la saincte Eglise Rommaine vacquant.
« En après, ledit saint senne a déclairé que nulz chrestiens n'obéissent à iceulx ou à l'un d'eulx, ne donnent faveur ou entendent aucunement , non obstant quelque serement de loyaulté ou autres , fais ou promis à iceulx, sur peine d'excommunicacion. Et quiconques ne vouldra obéir à ceste ordonnance ou sentence, il sera condemné , réputé et baillé es mains de la justice laie, comme favorable aux hérétiques , à punir selon les commandemens divins et disposicion des sains canons.
« En après , ledit saint senne prononce et déclaire que toutes les procuracions des cardinaulx faictes par lesdiz contendans de la papalité, par ledit Ange Corrarion depuis le tiers jour de may, et par ledit Pierre de La Lune depuis le xv*^ jour de juing en l'an derrenier passé mil quatre cens et huit, avoir esté et estre de nulle valeur, et du tout en tout sont adnuUées par ceste
[1409] D'ENGUERRAN DE MOjNSTRELET. 27
sentence diffînitive. Et toutes les sentences et ordonnances faictes par lesdiz contendans ou préjudice de l'union de saincte Eglise contre les seigneurs, roys, princes, patriarches, arcevesques et évesques et autres prélas de l'Eglise et personnes singulières, estre de nulle valeur et de nul effect. Et ledit saint senne a ordonné à procéder en oultre au bien de l'Eglise universelle lundi prouchain venant, qui sera le x^ jour de juing. » « Ces choses dessusdictes ont esté faictes ou saint concile général, à Pise, Fan mil quatre cens et neuf, le cinquiesme jour de juing. »
Gomment union fut mise en saincte Église par le saint concile de Pise où fut esleu un seul pape nommé Alixar.dre *.
Le xxvi^ jour de juing, Fan mil quatre cens et neuf, Pierre de Candie , cordelier, natif de Grèce , docteur en théologie, appelle communément cardinal de Milan , en la cité de Pise fut esleu à pape , en bonne concorde, par les cardinaulx, du consentement et approbacion du concile général, et le appellèrent Alixandre cinquiesme '. Duquel s'ensuit la teneur des bulles.
« Alixandre , évesque, le serviteur des serviteurs de Dieu , à l'évesque de Paris , salut et bénédiction apostolique. Loenge et gloire soit à Dieu ou ciel, qu? donne aux hommes de bonne voulonté paix en terre , et qui par sa bénigne miséricorde a mis vraie union en son peuple chrestien , jusques à ce troublé par périlleuse
1. Ce chapitre comme le précédent (p. 25) fait encore partie, dans rédilion de 1572, de ce cinquante-troisième chapitre mal coté Lx.
